जीवन विकास लघुवित्तद्वारा आवास निर्माणमा श्रमदान

काठमाडौं । जीवन विकास लघुवित्त वित्तीय संस्थाले आवास निर्माणमा श्रमदान गर्न आह्वान गरेको छ । संस्थाले फागुन १६ गते सोमबार वित्तीय संस्थाको तेसो वार्षिक उत्सवको उपलक्ष्यमा सम्पूर्ण शाखाहरूमार्फत विभिन्न सामाजिक कार्य गरी वार्षिक उत्सव मनाउने क्रममा आवास निर्माणमा सहयोग
गरेको हो ।

यसअन्तर्गत संस्थले थ्री जीरो क्लब तथा नवबिहानी समूहको संयुक्त आयोजनामा विराटनगर १२ बखरी, सम्पन्न बस्तीमा जीवन विकासको आह्वान आवास निर्माणमा श्रमदान नाराका साथ घर निर्माणमा श्रमदान गरिएको छ । कार्यक्रममा प्रमुख कार्यकारी अधिकृतलगायत केन्द्रीय कार्यालयका कर्मचारीहरू, जिल्ला प्रमुखहरू, शाखा प्रमुख तथा शाखाका कर्मचारीहरू, नवबिहानी समूहका सदस्यहरू, थ्रीजीरो क्लबका सदस्यहरू, वित्तीय संस्थामा आबद्ध सदस्यहरू, स्थानीय संघसंस्था तथा स्थानीय समुदाय गरी तीन सयभन्दा बढीको सहभागिता रहेको थियो ।

जीवन विकास लघुवित्त वित्तीय संस्था लिमिटेड राष्ट्रियस्तरको लघुवित्त वित्तीय संस्था हो । हाल २१ वटामा जिल्लामा आफ्ना एक सय ४६ वटा शाखाहरूमार्फत तीन लाख २४ हजार परिवारलाई वित्तीय सेवाको साथै सामाजिक तथा डिजिटल सेवा समेत प्रदान गरिरहेको जानकारी दिएको छ ।