Techie IT
×
गृहपृष्ठवित्त पूँजी बजारसांग्रिला डेभलपमेन्ट बैंकको शाखा गाईघाटमा

सांग्रिला डेभलपमेन्ट बैंकको शाखा गाईघाटमा


काठमाडौं । सांग्रिला डेभलपमेन्ट बैंकले गाईघाटमा पनि शाखा खोलेको छ । बैंकका अनुसार ग्रामीण साथै सहरी क्षेत्रमा समेत आफ्नो उपस्थितिलाई थप दरिलो बनाउने क्रमसँगै बीपी चोक, बैंक लाइन, गाईघाट, त्रियुगा नगरपालिका वडा नं.११, उदयपुरमा शाखा सञ्चालनमा ल्याइएको हो । सोमबार उक्त शाखा सञ्चालनमा ल्याइएको बैंकको भनाइ छ ।

गाईघाट शाखा कार्यालय सञ्चालनमा आएसँगै सो क्षेत्रका सर्वसाधारणलाई सहज बैंकिङ सुविधा पुग्ने विश्वास बैंकले लिएको छ । योसँगै सांग्रिला डेभलपमेन्ट बैंकको कुल शाखा संख्या एक सय ११ पुगेको छ । बैंकले आफ्ना ग्राहकवर्गहरूलाई विभिन्न प्रकारका बैंकिङ सुविधाहरू दिँदै आएकोमा यस शाखाको सञ्चालनबाट यस क्षेत्रका ग्राहकहरूलाई अझ सरल र सहज तरिकाले बंैकिङ सेवा लिने वातावरण बनेकोमा बैंक विश्वस्त रहेको छ ।

बैंकले हरेक सम्भावित क्षेत्रमा आफ्ना ग्राहकलाई सेवा उपलब्ध गराउने अभिप्रायले अन्य विभिन्न स्थानहरूमा चाँडै नै थप शाखा कार्यालय सञ्चालन गर्ने योजना बनाएको छ । बैंकले चालू आर्थिक वर्षको दोस्रो त्रैमासिक अवधिमा २६ करोड १८ लाख २२ हजार चार सय ७२ रुपैयाँ खुद मुनाफा आर्जन गरेको छ । गत आवको सोही अवधिमा भने बैंकको यस्तो नाफा १६ करोड ४८ लाख पाँच हजार एक सय ५१ रुपैयाँ रहेको थियो ।

हाल चुक्ता पुँजी तीन अर्ब एक करोड छ लाख ६९ हजार छ सय ६२ रुपैयाँ रहेको बैंकले चालू आवको दोस्रो त्रैमासमा ४५ अर्ब ९२ करोड ५४ लाख ९९ हजार नौ सय पाँच रुपैयाँ निक्षेप संकलन गरी ४० अर्ब ४६ करोड पाँच लाख ७० हजार सात सय ५४ रुपैयाँ कर्जा प्रवाह गरेको छ । सो अवधिमा ७९ करोड ५८ लाख ८३ हजार छ सय ६६ रुपैयाँ खुद ब्याज आम्दानी गरेको बैंकमा एक दशमलव १५ प्रतिशत कर्जा निष्क्रिय रहेको छ । सो अवधिमा चार दशमलव ३७ प्रतिशत स्प्रेड दर रहेको बैंकको वितरणयोग्य नाफा भने १८ करोड चार लाख २६ हजार आठ सय ५९ रुपैयाँ रहेको छ ।

गत आवको सोही अवधिमा भने बैंकले ४१ अर्ब ७९ करोड ७३ लाख ५० हजार रुपैयाँ निक्षेप संकलन गरी ३३ अर्ब चार करोड ४५७ लाख ४८ हजार चार सय ५९ रुपैयाँ कर्जा प्रवाह गरेको थियो । उक्त अवधिमा ५४ करोड २१ लाख २३ हजार तीन सय ९४ रुपैयाँ खुद ब्याज आम्दानी गरेको बैंकमा दुई दशमलव ४३ प्रतिशत कर्जा निष्क्रिय रहेको थियो भने स्प्रेड दर चार दशमलव ९० प्रतिशत रहेको थियो । 


क्याटेगोरी : वित्त पूँजी बजार

तपाईको प्रतिक्रिया