Techie IT
×
गृहपृष्ठवित्त पूँजी बजारराष्ट्र बैैंकले वोमी र सूर्योदय लघुवित्तलाई दियो मर्जरको लागि अन्तिम स्वीकृति

राष्ट्र बैैंकले वोमी र सूर्योदय लघुवित्तलाई दियो मर्जरको लागि अन्तिम स्वीकृति


काठमाडौं । वोमी लघुुवित्त वित्तीय संस्था र सूर्योदय लघुवित्त वित्तीय संस्थाले मर्जरको लागि अन्तिम स्वीकृति भएको छ । मर्जरमा सहभागी वोमी लघुवित्तका अनुसार नेपाल राष्ट्र बैंकको यही फागुन पाँच गते प्राप्त भएको पत्रअनुसार मर्जरको लागि अन्तिम स्वीकृति पाएको हो । स्वीकृति पाएपश्चात् भने छिटै नै मर्जर प्रक्रिया सम्पन्न गरी एकीकृत कारोबार सञ्चालन गर्ने तयारी संस्थाहरूले गरेका छन् ।

मर्जरमा सहभागीमध्ये वोमीले चालू आर्थिक वर्षको दोस्रो त्रैमासिक अवधिमा आठ करोड ७७ लाख नौ हजार रुपैयाँ खुद मुनाफा आर्जन गरेको छ । गत आवको सोही अवधिमा भने संस्थाको यस्तो नाफा पाँच करोड ३१ लाख ३२ हजार रुपैयाँ रहेको थियो ।

Open photo

हाल चुक्ता पुँजी ४९ करोड ४३ लाख ३३ हजार रुपैयाँ रहेको संस्थाले चालू आवको दोस्रो त्रैमासमा दुई अर्ब १४ करोड ६६ लाख नौ हजार रुपैयाँ निक्षेप संकलन गरी पाँच अर्ब ६९ करोड १४ लाख २१ हजार रुपैयाँ कर्जा प्रवाह गरेको छ । सो अवधिमा २० करोड ७४ लाख २४ हजार रुपैयाँ खुद ब्याज आम्दानी गरेको संस्थाको प्रोभिजन रकम आठ करोड ७७ लाख नौ हजार रुपैयाँ रहेको छ भने निष्क्रिय कर्जाको अनुपात दुई दशमलव ३३ प्रतिशत रहेको छ ।

गत आवको सोही अवधिमा भने संस्थाले एक अर्ब चार करोड ४५ लाख ७५ हजार रुपैयाँ निक्षेप संकलन गरी तीन अर्ब ७१ लाख ८२ हजार रुपैयाँ कर्जा प्रवाह गरेको थियो । उक्त अवधिमा ११ करोड ६८ लाख ६८ हजार रुपैयाँ खुद ब्याज आम्दानी गरेको संस्थाको प्रोभिजन रकम ५३ लाख ७१ हजार रुपैयाँ रहेको थियो भने निष्क्रिय कर्जाको अनुपात दुई दशमलव ८५ प्रतिशत रहेको थियो ।

यसैगरी सूर्योदयले भने चालू आर्थिक वर्षको दोस्रो त्रैमासिक अवधिमा छ करोड ४४ लाख ५० हजार रुपैयाँ खुद मुनाफा आर्जन गरेको छ । गत आवको सोही अवधिमा भने संस्थाको यस्तो नाफा एक करोड १८ लाख २७ हजार रुपैयाँ रहेको थियो ।

Open photo

हाल चुक्ता पुँजी २९ करोड ७६ लाख ५१ हजार रुपैयाँ रहेको संस्थाले चालू आर्थिक वर्षको दोस्रो त्रैमासिक अवधिमा एक अर्ब ७१ करोड ४१ लाख एक हजार रुपैयाँ निक्षेप संकलन गरी पाँच अर्ब तीन करोड ४४ लाख ६७ हजार रुपैयाँ कर्जा प्रवाह गरेको छ । सो अवधिमा १६ करोड १९ लाख २९ हजार रुपैयाँ खुद ब्याज आम्दानी गरेको संस्थाको प्रोभिजन रकम चार करोड ७० लाख पाँच हजार रुपैयाँ रहेको छ भने निष्क्रिय कर्जाको अनुपात तीन दशमलव चार प्रतिशत रहेको छ ।

गत आवको सोही अवधिमा भने संस्थाले एक अर्ब २० करोड ७५ लाख १३ हजार रुपैयाँ निक्षेप संकलन गरी दुई अर्ब ७८ करोड १३ लाख ७८ हजार रुपैयाँ कर्जा प्रवाह गरेको थियो । उक्त अवधिमा पाँच करोड ७८ लाख ९२ हजार रुपैयाँ खुद ब्याज आम्दानी गरेको संस्थाको प्रोभिजन रकम दुई करोड ६९ लाख ७९ हजार रुपैयाँ रहेको थियो भने निष्क्रिय कर्जाको अनुपात दुई दशमलव ९३ प्रतिशत रहेको थियो । 


क्याटेगोरी : वित्त पूँजी बजार

तपाईको प्रतिक्रिया