जनरल इन्स्योरेन्सको अर्धवार्षिक मार्केटिङ कन्फेरेन्स–२०७८ सम्पन्न
काठमाडौं । जनरल इन्स्योरेन्स कम्पनी लिमिटेडले अर्धवार्षिक मार्केटिङ कन्फेरेन्स २०७८ सम्पन्न गरेको छ । कम्पनीले यही फागुन १९, २० र २१ गते पोखराको होटेल एल्लो प्यागोडामा देशैभरका बजार विभागका कर्मचारीहरू, उच्च व्यवस्थापक तथा सञ्चालक सदस्यहरूको उपस्थितिमा सभ्य–भव्यरूपमा अर्धवार्षिक मार्केटिङ कन्फेरेन्स २०७८ सम्पन्न गरेको हो ।
कार्यक्रममा शाखा कार्यलयहरूको विगत वर्षहरूको समीक्षा, कार्यप्रगति, समस्या र त्यसका समाधान र आगामी वर्षका रणनीतिक योजनाहरू पनि छलफल भएको कम्पनीले जानकारी दिएको छ । उक्त कार्यक्रमको सम्पूर्ण व्यवस्थापन कम्पनीका सहायक महाप्रबन्धक मुनिन्द्र ठाकुरले गरेका थिए । पोखरा शाखा प्रमुख शिव प्रसाद देवकोटाले स्वागत गरेको कार्यक्रममा प्रमुख कार्यकारी अधिकृत रामचन्द्र श्रेष्ठले अध्यक्षता ग्रहण गरेका थिए । कार्यक्रम सञ्चालकद्वय ज्ञानेश्वर आचार्य र अमृत बन्जाडेको प्रमुख आतिथ्यतामा तीन दिनसम्म चलेको कम्पनीले जानकारी दिएको छ ।
कार्यक्रम मा उत्कृष्ट शाखा र उत्कृष्ट बजार कर्मचारीलाई पनि सम्मानसहित ताम्र पत्र प्रदान गरेको थियो । सञ्चालक आचार्यले कार्यक्रम राम्रो भएको, शाखा कार्यलयहरूको समीक्षा सकेसम्म त्रैमासिक अवधिमा कार्य समीक्षा समयसापेक्ष हुने र योजना पनि यथार्थपरक हुने विषयमा जोड दिएका थिए । उनले बजारमा गरिएका अनावश्यक हल्लाहरूको पछि नलाग्न र दत्तचित्त भई कम्पनीको योजना र उद्देश्यमा अघि बढ्नको लागि हौसला प्रदान गरे ।
कार्यक्रममा कम्पनीका प्रमुख कार्यकारी अधिकृतले पुरस्कृत शाखा तथा कर्मचारीहरूलाई बधाई दिँदै सम्पूर्ण शाखाका कर्मचारीहरूलाई उच्च मनोबल राखी, हल्लाको पछि नलागी, अनुसाशितरूपले उत्कृष्ट कार्यसम्पादन गर्नुपर्नेमा जोड दिए । उनले कम्पनीको लक्ष्यमा पुग्नको लागि अहोरात्र खट्न पनि आग्रह गरे ।
क्याटेगोरी : बैंक बित्त बजार
ताजा अपडेट
- युएई एसिसी प्रिमियर कपको फाइनलमा, नेपाल छ विकेटले पराजित
- प्रत्येक प्रदेशमा एउटा औद्योगिक क्षेत्र बिस्तारको कार्यक्रम ल्याइने : मन्त्री भण्डारी
- पूर्वमुख्यसचिव शाक्यको राजकीय सम्मानका साथ अन्त्येष्टि
- सांसद हसिना खानद्वारा सपथ ग्रहण
- कांग्रेस सबै जात, धर्म र वर्गको पार्टी हो : सहमहामन्त्री राठोर
- ग्रीन हाइड्रोजन उत्पादनका लागि बुद्धभूमि हाइड्रो र केयूबीच सम्झौता
- घाँस काट्ने क्रममा रुखबाट खसेर मृत्यु
- गत वर्ष सडकमार्गबाट चार लाख पर्यटक मुस्ताङ पुगे
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया