Techie IT
आजको आर्थिक दैनिक

Aarthik Dainik

An Economic Newsportal

गृहपृष्ठबैंक बित्त बजारविजय लघुवित्तको खुद मुनाफा घट्यो

विजय लघुवित्तको खुद मुनाफा घट्यो


काठमाडौं । विजय लघुवित्त वित्तीय संस्थाको खुद मुनाफा घटेको छ । संस्थाले चालू आर्थिक वर्षको तेस्रो त्रैमासिक अवधिमा नौ करोड ५१ लाख ३७ हजार रुपैयाँ खुद मुनाफा कमाएको छ । गत आवको सोही अवधिमा भने संस्थाले १० करोड ६८ लाख ४० हजार रुपैयाँ खुद मुनाफा कमाएको थियो ।

हाल चुक्ता पुँजी ३२ करोड रुपैयाँ रहेको संस्थाले चालू आवको तेस्रो त्रैमासमा एक अर्ब आठ करोड ८२ लाख १३ हजार रुपैयाँ निक्षेप संकलन गरी चार अर्ब ७० करोड २२ लाख ७० हजार रुपैयाँ कर्जा प्रवाह गरेको छ । सो अवधिमा २६ करोड ५६ लाख ८८ हजार रुपैयाँ खुद ब्याज आम्दानी गरेको संस्थाको प्रोभिजन रकम तीन करोड ५४ लाख ९८ हजार रुपैयाँ रहेको छ भने निष्क्रिय कर्जाको अनुपात चार दशमलव ७४ प्रतिशत रहेको छ ।

गत आवको सोही अवधिमा भने संस्थाले ९४ करोड ७३ लाख ७१ हजार रुपैयाँ निक्षेप संकलन गरी चार अर्ब २९ करोड ७२ लाख दुई हजार रुपैयाँ कर्जा प्रवाह गरेको थियो । उक्त अवधिमा २५ करोड ८२ लाख २७ हजार रुपैयाँ खुद ब्याज आम्दानी गरेको संस्थाको प्रोभिजन रकम तीन करोड ४६ लाख ५५ हजार रुपैयाँ रहेको संस्थामा तीन दशमलव ३५ प्रतिशत कर्जा निष्क्रिय रहेको थियो । 


क्याटेगोरी : बैंक बित्त बजार

तपाईको प्रतिक्रिया