Techie IT
आजको आर्थिक दैनिक

Aarthik Dainik

An Economic Newsportal

गृहपृष्ठबैंक बित्त बजारहिमालयन बैंक र नबिल इन्भेष्टमेन्ट बैंकिङबीच सम्झौता

हिमालयन बैंक र नबिल इन्भेष्टमेन्ट बैंकिङबीच सम्झौता


काठमाडौं । हिमालयन बैंक र नविल इन्भेष्टमेन्ट बैंकिङबीच सम्झौता भएको छ । हिमालयन बैंक लिमिटेडको एक हजार रूपैयाँ अंकित दरको २५ लाख कित्ताले हुनआउने दुई अर्ब ५० करोड रूपैयाँ रकमबराबरको १० दशमलव ५० प्रतिशत हिमालयन बैंक लिमिटेड बण्ड २०८६ जारी गर्न नबिल इन्भेष्टमेन्ट बैंकिङ लिमिटेडलाई बिक्री प्रबन्धकको रूपमा नियुक्त गरेको छ । उक्त ऋणपत्रको अवधि सात वर्ष रहेको र ब्याजदर १० दशमलव ५० प्रतिशत रहेको छ ।

उक्त सम्झौतापत्रमा हिमालयन बैंक लिमिटेडको तर्फबाट प्रमुख कार्यकारी अधिकृत अशोक सम्शेर जबरा र नबिल इन्भेष्टमेन्ट बैंकिङ लिमिटेडको तर्फबाट प्रमुख कार्यकारी अधिकृत मनिष नारायण जोशीले हस्ताक्षर गरेका छन् । प्रस्तावित ऋणपत्र नियमनकारी निकायहरूकोे स्वीकृतिपश्चात् निष्काशन गरिने बैंकले जानकारी दिएको छ ।

काठमाडौंको कमलादीस्थित मुख्य कार्यालय रहेका हिमालयन बैंकले देशका सातवटै प्रदेशमा ७४ वटा शाखाहरूमार्फत कारोबार गर्दै आएको छ । बैंकले उच्चस्तरीय, आधुनिक एवं नवीनतम प्रविधिहरूसहितको सुरक्षित बैंकिङ सेवा प्रदान गर्दै आइरहेको छ । ग्राहकहरूलाई अधिकतम प्रतिफल दिने उद्देश्यले बैंकले मुद्दति खातामा मासिकरूपमा ब्याज प्रदान गर्ने विशेष योजना समेत कार्यान्वयनमा ल्याएको छ ।


क्याटेगोरी : बैंक बित्त बजार

तपाईको प्रतिक्रिया