लुम्बिनी विकास बैंकका तीन नयाँ शाखा

काठमाडौं । लुम्बिनी विकास बैंक लिमिटेडले थप तीनवटा नयाँ शाखा विस्तार गरेको छ । बैंकले देशका विभिन्न ठाउँमा बैंकिङ सेवा पु¥याउने उद्देश्यले बिहीबार थप तीनवटा शाखाहरूको उद्घाटन गरेको जानकारी दिएको छ । नयाँ खोलिएका शाखाहरूमा ८४औँ शाखाको रूपमा कञ्चनपुर जिल्ला, कृष्णपुर नगरपालिका वडा नं. २ स्थित बाणी शाखा, ८५औँ शाखाको रूपमा कैलाली जिल्ला लम्कीचुहा नगरपालिका वडा नं. १ स्थित लम्की शाखा र ८६औँ शाखाको रूपमा कैलाली जिल्ला गौरीगंगा नगरपालिका वडा नं. ७ स्थित मसुरिया शाखा रहेका छन् ।

बैंकका अनुसार वाणी शाखाको उद्घाटन विकास बैंकका सञ्चालक चिन्तामणि भट्टराई र कृष्णपुर नगरपालिकाका नवनिर्वाचित नगरप्रमुख हेमराज ओझाले संयुक्तरूपमा गरेका हुन् । त्यस्तै लम्की शाखाको उद्घाटन बैंकका सञ्चालक समितिका अध्यक्ष दशरथ रिसाल, लम्कीचुहा नगरपालिकाका नवनिर्वाचित नगरप्रमुख सुशिला शाही र उद्योग वाणिज्य संघ लम्कीचुहाका निवर्तमान अध्यक्ष पदमराज चौलागाईँले संयुक्तरूपमा गरेका हुन् । साथै मसुरिया शाखाको उद्घाटन विकास बैंकका सञ्चालक केशव खतिवडा र गौरीगंगा नगरपालिकाका नवनिर्वाचित नगरप्रमुख देविदत्त कँडेलले संयुक्तरूपमा गरेका हुन् ।

देशका सातवटै प्रदेशमा शाखा सञ्चालन गरी कारोबार गर्दै आइरहेको बैंकले थप तीनवटा नयाँ शाखाहरूको उद्घाटन भएसँगै सुदूरपश्चिम प्रदेशमा समेत बैंकको राम्रो उपस्थिति भएको छ । बैंकले ‘निरन्तर सहयात्रा’ भन्ने नाराका साथ उच्चस्तरीय, आधुनिक एवं नवीनतम प्रविधिहरूसहितको सुरक्षित बैंकिङ सेवा प्रदान गर्दै आइरहेको छ । ग्राहकहरूलाई अधिकतम प्रतिफल दिने उद्देश्यले बैंकले मुद्दती खातामा ‘मासिक’ रूपमा ब्याज प्रदान गर्ने विशेष योजना समेत कार्यान्वयनमा ल्याएको छ ।