Techie IT
×
गृहपृष्ठbreaking१७ खर्ब , ९३ अर्ब, ८३ करोडको बजेट (पूर्णपाठ)

१७ खर्ब , ९३ अर्ब, ८३ करोडको बजेट (पूर्णपाठ)


काठमाडौँ । सरकारले आगामी आर्थिक वर्ष २०७९र८० का लागि १७ खर्ब ९३ अर्ब ८३ करोड रुपैयाँ बराबरको बजेट सार्वजनिक गरेको छ । अर्थमन्त्री जनार्दन शर्माले आइतबार संसदमा आगामी आर्थिक वर्षको आय–व्ययको अनुमान विवरण प्रस्तुत गरेका हुन् ।

कुल विनियोजनमध्ये चालुतर्फ ७ खर्ब ५३ अर्ब ४० करोड अर्थात् ४२ प्रतिशत, पुँजीगततर्फ ३ खर्ब ८० अर्ब ३८ करोड अर्थात् २१ दशमलव २ प्रतिशत र वित्तीय व्यवस्थातर्फ २ खर्ब ३० अर्ब २२ करोड अर्थात् १२ दशमलव ८ प्रतिशत विनियोजन गरिएको छ । त्यसैगरी प्रदेश र स्थानीय तहमा वित्तीय हस्तान्तरणतर्फ ४ खर्ब २९ अर्ब ८३ करोड अर्थात् २४ प्रतिशत बजेट छुटयाइएको छ ।

अनुमान गरिएको खर्चको स्रोत व्यहोर्न आन्तरिक राजस्वबाट १२ खर्ब ४० अर्ब, वैदेशिक अनुदानबाट ५५ अर्ब ११ करोड लिइनेछ । त्यस्तै, वैदेशिक ऋणबाट २ खर्ब ४२ खर्ब २६ करोड र २ खर्ब ५६ अर्ब आन्तरिक ऋण गरी कुल ४ खर्ब ९८ अर्ब ४६ करोड रुपैयाँ बराबर ऋण लिइनेछ ।

सरकारले लघु, साना तथा मझौला उद्यम, कृषि सहकारी तथा फर्म र महिला उद्यम तथा वैदेशिक रोजगारीबाट फर्किएका युवाहरुलाई प्रदान गर्दै आएको सहुलियतपूर्ण कर्जाको निरन्तरता पाएको छ ।

अर्थमन्त्री जनार्दन शर्माले पेस गरेको आगामी आर्थिक वर्षको बजेटमा सहुलियतपूर्ण कर्जामा ब्याज अनुदान प्रदान गर्न रु १३ अर्ब ५९ करोड छुट्याइएको उल्लेख छ ।  बजेटमा विपन्न व्यक्ति, दलित तथा पिछडिएको क्षेत्रमा स्थायी बासिन्दाले पिछडिएको क्षेत्रमा सञ्चालन गर्न व्यवसायमा प्रदान गरिने सहुलियतपूर्ण कर्जाको ब्याजदरमा थप एक प्रतिशत विन्दुले छुट दिने मन्त्री शर्माले बताएका छन्।

सरकारले वित्तीय क्षेत्रलाई राष्टिय पूँजी परिचालनको महत्वपूर्ण आधारका रूपमा लिँदै वित्तीय क्षेत्रलाई आधुनिक, गतिशील तथा विविधतायुक्त र समावेशी बनाउन आवश्यक कानूनी तथा संस्थागत सुधार गरिने बजेटमा उल्लेख छ ।

आइतबार संघीय संसद्‍को संयुक्त बैठकमा पेश भएको बजेटको पूर्णपाठ 

 


क्याटेगोरी : breaking, वित्त पूँजी बजार

तपाईको प्रतिक्रिया