सेञ्चुरी बैंकको ‘डबल धमाका मुद्दती खाता’

काठमाडौं । सेञ्चुरी कमर्सियल बैंक लिमिटेडले ग्राहकवर्गहरूको हितलाई ध्यानमा राखेर सेञ्चुरी डबल धमाका मुद्दती खाता सञ्चालनमा ल्याएको छ । यो खातामा ग्राहकहरूले साढे छ वर्षमा आफूले जम्मा गरेको रकमको दुई गुना रकम (डबल रकम) प्राप्त गर्नसक्ने बैंकले जानकारी दिएको छ ।

सेञ्चुरी डबल धमाका मुद्दती खाता न्यूनतम १० हजार रूपैयाँँमा नै खोल्न सकिनेछ । यो खातामा बैंकले ग्राहकहरूलाई मोबाइल बैंकिङ, भिषा डेबिट कार्ड र एसएमएस एलर्ट निःशुल्क उपलब्ध गराएको छ । साथै यस खातामा सावाँ रकमको ८० प्रतिशतसम्म ऋण पनि लिन सकिनेछ । यो खाता बैंकका सम्र्पूण शाखाहरूबाट खोल्न सकिने बैंकले जानकारी दिएको छ । आधुनिक बैंकिङ प्रविधिको माध्यमबाट देशका दुर्गम तथा सहरी क्षेत्रमा सरल बैंकिङ सेवा प्रदान गर्दै आएको बैंकले हाल आफ्ना एक सय ४३ वटा शाखा, १० वटा एक्सटेन्सन काउन्टर, २४ शाखारहित बैंकिङ र एक सय १५ वटा एटीएममार्फत वित्तीय सेवा प्रदान गर्दै आइरहेको जानकारी दिएको छ ।