Techie IT
×
गृहपृष्ठवित्त पूँजी बजारश्वेतगंगा हाइड्रोपावरको साधारण सेयरको बिक्री खुला

श्वेतगंगा हाइड्रोपावरको साधारण सेयरको बिक्री खुला


काठमाडौं । श्वेतगंगा हाइड्रोपावर कम्पनीको साधारण सेयरको बिक्री खुला भएको छ । कम्पनीले आयोजना प्रभावित क्षेत्र रामेछाप जिल्लासहितका आसपासका क्षेत्रहरूको लागि एक सय रुपैयाँँ अंकित मूल्य कायम रहने गरी १५ करोड ९३ लाख रुपैयाँँबराबरको १५ लाख ९३ हजार कित्ता साधारण सेयरको बिक्रीकार्य खुला गरेको हो ।

कम्पनीका अनुसार जारी पुँजी एक अर्ब ५९ करोड ३० लाख रूपैयाँँमध्येबाट सर्वसाधारणको लागि छुट्याएको २५ प्रतिशतमध्येबाट १० प्रतिशत आयोजना प्रभावित क्षेत्रका जनताको साधारण सेयर जारी गरिएको हो । बिक्री प्रबन्धक सानिमा क्यापिटल लिमिटेडमार्फत यही जेठ २३ गते अर्थात् सोमबारबाट खुला भएको साधारण सेयरको बिक्रीकार्य छिटोमा असार ६ गते र ढिलोमा असार २१ गते बन्द हुनेछ ।

कम्पनीका अनुसार खरिदकर्ताहरूले न्यूनतम १० देखि अधिकतम १० हजार कित्तासम्मको सेयर खरिदको लागि आवेदन दिन सक्नेछन् । 


क्याटेगोरी : वित्त पूँजी बजार

तपाईको प्रतिक्रिया