Techie IT
×
गृहपृष्ठbreakingदुई हजार अंकबाट उक्लियो सेयर बजार

दुई हजार अंकबाट उक्लियो सेयर बजार


काठमाडौं । लगातार घटेर १८ सय अंकमा झरिसकेको सेयर बजार परिसुचक अन्तत उकालो लाग्ने क्रममा देखिएको छ । अघिल्लो दिन ४१ दशमलव ३९ अंकले उकालो लागेको सेयर बजार परिसुचक साताको पाँचौं कारोबार दिन आज बिहिबार पनि ७४ दशमलव ९३ अंकले उकालो लागेर दुई हजार ३७ दशमलव ६४ बिन्दुमा चढ्न सफल भएको हो ।

क बर्गका कम्पनीहरुको कारोबार मापन गर्ने सेन्सिटिभ इन्डेक्स पनि १२ दशमलव ६३ अंकले उकालो लागेर तीन सय ९१ दशमलव ७८ बिन्दुमा चढ्न सफल भएको छ । आज १३ वटा उपसमुहहरु अन्तर्गत दुई सय २७ वटा कम्पनीहरुको सेयर खरिद बिक्री भएका छन् । जसबाट ४७ हजार तीन सय ९२ पटकको कारोबारमा ७२ लाख ५४ हजार ७० कित्ता सेयर खरिद बिक्री भएका छन् । सोही खरिद बिक्रीका आधारमा आज कुल सेयर कारोबार रकम दुई अर्ब ४५ करोड ८६ लाख १९ हजार चार सय ९५ रुपैंयाँ पुगेको छ ।

नेपाल स्टक एक्सचेन्ज लिमिटेड (नेप्से) मा आज कारोबार भएका कुल उपसमुहहरु मध्ये सबै उपसमुहहरुको सुचक उकालो लागेर सेयर बजार परिसुचक पुरै हरियो भएको छ ।


क्याटेगोरी : breaking, वित्त पूँजी बजार

तपाईको प्रतिक्रिया