Techie IT
×
गृहपृष्ठbreakingदुई हजार २८ अंकमा पुगेर रोकियो सेयर बजार

दुई हजार २८ अंकमा पुगेर रोकियो सेयर बजार


काठमाडौं । अघिल्ले दिन ७४ दशमलव ९३ अंकले उकालो लागेको सेयर बजार परिसुचक साताको अन्तिम कारोबार दिन आज शुक्रबार भने घटेको छ । आज बजार परिसुचक आठ दशमलव ८७ अंकले ओरालो लागेर दुई हजार २८ दशमलव ७७ बिन्दुमा झरेको छ ।

क बर्गका कम्पनीहरुको कारोबार मापन गर्ने सेन्सिटिभ इन्डेक्स पनि तीन दशमलव १७ अंकले घटेर तीन सय ८८ दशमलव ६२ अंकमा झरेको छ । आज १३ वटा उपसमुहहरु अन्तर्गत दुई सय २० वटा कम्पनीहरुको सेयर खरिद बिक्री भएका छन् । जसबाट २८ हजार आठ सय ६४ पटकको कारोबारमा ३६ लाख ६३ हजार एक सय १० कित्ता सेयर खरिद बिक्री भएको छ । उक्त खरिद बिक्रीका आधारमा आज कुल सेयर कारोबार रकम एक अर्ब ४५ करोड ९३ लाख एक हजार तीन सय ८८ रुपैंयाँ पुगेको छ ।

नेपाल स्टक एक्सचेन्ज लिमिटेड (नेप्से) मा आज कारोबार भएका कुल उपसमुहरु मध्ये फाईनान्स र लघुवित्त समुहको सुचक उकालो लागेर बाणिज्य बैंक, बिकास बैंक, जलबिद्युत, निर्जिवन बीमा, जीवन बीमा सहितका ११ वटा उपसमुहहरुको सुचक ओरालो लागेका छन् ।


क्याटेगोरी : breaking, वित्त पूँजी बजार

तपाईको प्रतिक्रिया