एनएलजी इन्स्योरेन्सले ३८ करोडको हकप्रद सेयर जारी गर्ने

काठमाडौं, फागुन ११
एनएलजी इन्स्योरेन्स कम्पनीले ३८ करोड ४२ लाख ३७ हजार रुपैयाँ बराबरको हकप्रद सेयर जारी गर्ने भएको छ । कम्पनीले यही फागुन २२ गतेबाट हाल कायम रहेको चुक्ता पुँजी ६४ करोड चार लाख छ हजार दुई सय ५० रुपैयाँबाट एक सय रुपैयाँ अंकित मूल्य कायम रहने गरी १० बराबर छ को अनुपातमा ३८ लाख ४२ हजार चार सय ३७ दशमलव ५० कित्ता हकप्रद सेयर जारी गर्न लागेको हो ।

बिक्री प्रबन्धक लक्ष्मी क्यापिटल लिमिटेडमार्फत यही फागुन २२ गतेबाट खुल्ला हुने हकप्रद सेयरको बिक्री कार्य चैत १२ गतेसम्म जारी रहनेछ । अधिकृत पुँजी एक अर्ब ५० करोड तथा जारी पुँजी एक अर्ब दुई करोड ४६ लाख ५० हजार रुपैयाँ रहेको कम्पनीको हकप्रद सेयरको बिक्रीपश्चात् चुक्ता पुँजी ६४ करोड चार लाख छ हजार दुई सय ५० रुपैयाँ पुग्नेछ ।