३४ अंकले ओर्लियो सेयर बजार

काठमाडौ । सेयरबजार परिसुचक ओरालो लागेको छ । साताको अन्तिम कारोबार दिन आज शुत्रबार बजार परिसुचक ३४ दशमलव ८५ अंकले ओरालो लागेर २१ सय १३ दशमलव ३० बिन्दुमा झरेको छ । क बर्गका कम्पनीहरुको कारोबार मापन गर्ने सेन्सिटिभ इन्डेक्स पनि पाँच दशमलव ९१ अंकले ओरालो लागेर चार सय छ दशमलव ३४ बिन्दुमा झरेको छ ।

नेपाल स्टक एक्सचेन्ज लिमिटेड (नेप्से) मा आज १३ वटा उपसमुहहरु अन्तर्गत दुई सय १३ वटा कम्पनीहरुको सेयर खरिद बिक्री भएका छन् । जसबाट ४० हजार चार सय २४ पटकको कारोबारमा ६४ लाख १६ हजार छ सय २९ कित्ता सेयर खरिद बिक्री भएका छन् । सोही अनुसार आज कुल कारोबार रकम दुई अर्ब ६२ करोड ६१ लाख ५४ हजार नौं सय ४८ रुपैंयाँ पुगेको छ ।

नेप्सेमा आज कारोबार भएका कुल उपसमुहहरु मध्ये सामुहिक लगानी कोष उपसमुहको सुचक उकालो लागेर बाँकी उपसमुहहरुको सुचक ओरालो लागेका छन् ।