अभियान लघुवित्तको खुद मुनाफा एक करोड १० लाख

काठमाडौं। अभियान लघुवित्त वित्तीय संस्थाले आर्थिक बर्ष २०७८–०७९ मा एक करोड १० लाख ७४ हजार रुपैयाँ खुद मुनाफा आर्जन गरेको छ । अघिल्लो आवमा भने संस्थाको यस्तो नाफा एक करोड ७६ लाख ९६ हजार रुपैयाँ रहेको थियो ।

हाल चुक्ता पुँजी १५ करोड २५ लाख रुपैयाँ रहेको संस्थाले आव २०७८–०७९ मा ३१ करोड १५ लाख ७४ हजार रुपैयाँ निक्षेप संकलन गरी दुई अर्ब सात करोड ५६ लाख ८१ हजार रुपैयाँ कर्जा प्रवाह गरेको छ । सो अवधिमा नौ करोड दुई लाख ९१ हजार रुपैयाँ खुद ब्याज आम्दानी गरेको संस्थाको प्रोभिजन रकम ४० लाख ११ हजार रुपैयाँ रहेको छ भने निष्क्रिय कर्जाको अनुपात दुई दशमलव ६० प्रतिशत रहेको छ ।

अघिल्लो आवमा भने संस्थाले १४ करोड ९६ लाख ६४ हजार रुपैयाँ निक्षेप संकलन गरी एक अर्ब ५१ करोड ७७ लाख ८७ हजार रुपैयाँ कर्जा प्रवाह गरेको थियो । उक्त अवधिमा सात करोड ७० लाख ४४ हजार रुपैयाँ खुद ब्याज आम्दानी गरेको संस्थाको प्रोभिजन रकम दुई करोड ८७ लाख ५४ हजार रुपैयाँ रहेको थियो भने निष्क्रिय कर्जाको अनुपात शून्य दशमलव ५४ प्रतिशत रहेको थियो ।