Techie IT
×
गृहपृष्ठवित्त पूँजी बजारसनराइज बैंकका थप चार शाखारहित बैंकिङ सेवा

सनराइज बैंकका थप चार शाखारहित बैंकिङ सेवा


काठमाडौं ।सनराइज बैंकले थप चार स्थानमा शाखारहित बैंकिङ सेवा सञ्चालनमा ल्याएको छ । बैंकका अनुसार ९२औँ र ९३औँ शाखारहित बैंकिङ सेवा कल्याणपुर नगरपालिका इटारी प्रसाही, सिराहामा र रौतहट जिल्लाको फतुवाविजयपुर नगरपालिका दुधिअवामा सञ्चालनमा ल्याइएको हो ।

यसैगरी बैंकले ९४औँ शाखारहित बैंकिङ सेवा सिराहा जिल्लाको लहान नगरपालिका शोभापुरमा सञ्चालनमा ल्याएकोे छ भने ९५औँ शाखारहित बैंकिङ सेवा झापा जिल्लाको झापा गाउँपालिका, शरणामतीमा सञ्चालनमा ल्याइएको हो ।

शाखारहित बैंकिङ सेवाअन्तर्गत एटीीएम कार्डमार्फत कारोबार गर्न सकिने तथा यस सेवाबाट ग्राहकले निक्षेप संकलन, रकम भुक्तानी, रकम स्थानान्तरण, बिल भुक्तानीजस्ता सेवाहरू लिन सकिने बैंकले जानकारी दिएको छ । कृषि र रेमिट्यान्स प्रमुख आयस्रोत रहेको सो क्षेत्रका बासिन्दाहरूमा बैंकिङ पहुँच बढाउने उद्देश्यले उक्त सेवा सुरु गरिएको बैंकको भनाइ छ ।

बैंकले हाल एक सय ३९ वटा शाखा, ९५ वटा शाखारहित बैंकिङ सेवा, १३ वटा एक्सटेन्सन काउन्टर र एक सय ५९ वटा एटीएममार्फत ७ लाखभन्दा बढी ग्राहकलाई बैंकिङ सेवा प्रदान गर्दै आइरहेको छ ।


क्याटेगोरी : वित्त पूँजी बजार

तपाईको प्रतिक्रिया