सिटी एक्सप्रेसको ‘विदेशबाट सिटी आयो, दशैँ तिहारलाई गोल्डेन बनायो’ योजना

काठमाडौं  । सिटी एक्सप्रेस मनी ट्रान्सफरले ‘विदेशबाट सिटी आयो, दशैँ तिहारलाई गोल्डेन बनायो’ अफर सार्वजनिक गरेको छ । कम्पनीका अनुसार दशैँ, तिहार र छठ पर्वलाई लक्षित गर्दै ६३ दिनसम्म चल्ने गरी उक्त अफर सार्वजनिक गरिएको हो ।

यो योजनाअन्तर्गत लक्की ड्रमार्फत हरेक महिना एक जनालाई एक तोला सुन, हरेक हप्ता एक जनालाई १० तोला चाँदी साथै ६३ दिन लगातार हरेक दिन १६ जना विजेताहरूलाई आकर्षक गिफ्ट ह्याम्पर र अन्त्यमा एक जना भाग्यशाली बम्पर विजेतालाई पाँच तोला सुन उपहार प्रदान गरिने कम्पनीले जानकारी दिएको छ ।  कम्पनीका अनुसार उक्त अफर भदौ १५ गतेदेखि कात्तिक १५ गतेसम्म लागू हुनेछ ।

अवधिभरि सिटी एक्सप्रेसमार्फत देश विदेशबाट पैसा पठाउने सम्पूर्ण सेवाग्राही यो उपहार योजनामा सहभागी हुनसक्ने कम्पनीले जानकारी दिएको छ । यस उपहारको विजेता छनोट गर्दा विद्युतीय प्रणालीद्वारा गरिने र यो योजना सिटी एक्सप्रेसमा कार्यरत कुनै पनि कर्मचारीलाई लागू नहुने समेत कम्पनीले जानकारी दिएको छ ।