Techie IT
×
गृहपृष्ठवित्त पूँजी बजारहिमालयन बैंक ‘एक्सीलेन्स इन पस एक्विरिङ बिजनेस २०२२’ अवार्डबाट सम्मानित

हिमालयन बैंक ‘एक्सीलेन्स इन पस एक्विरिङ बिजनेस २०२२’ अवार्डबाट सम्मानित


काठमाडौं । विश्वप्रख्यात ब्रान्ड अमेरिकन एक्सप्रेस, जेसिबी, मास्टर कार्ड, युनियन–पे एवं भिसा स्वीकार गर्ने एकमात्र बैंक हिमालयन बैंकले ‘एक्सिलेन्स इन पस एक्विरिङ बिजनेस २०२२’ अवार्ड प्राप्त गरेको छ ।

भिसाद्वारा आयोजित एक समारोहका बीच प्रमुख अतिथि डिपुटी गर्भनर डा. निलम ढुंगानाले बैंकलाई सो अवार्ड प्रदान गरेकी हुन् । बैंकले विगतका वर्षहरूदेखि नै यो विधामा उक्त अवार्ड प्राप्त गर्दै आइरहेको छ । हिमालयन बैंक नेपालको एकमात्र बैंक हो जसले विश्वका विभिन्न प्रसिद्ध कार्डहरू आफ्नो नेटवर्कमा स्वीकार गर्ने गर्दछ । विश्वभर प्रचलनमा रहेको प्रसिद्ध कार्ड ब्रान्डहरू आफ्नो एटीएम, पस तथा ई–कमर्स गेट–वेमार्फत स्वीकार गर्ने भएकोले स्वदेशी तथा विदेशी ग्राहकहरूलाई आफ्नो कार्डबाट भुक्तानी गर्न सहज हुँदै आइरहेको छ ।

बैंकले प्रदान गरेको विशिष्टीकृत सेवामा आबद्ध भई कार्ड एक्विरिङ बिजनेस गरिरहेका मर्चेन्ट शुभेच्छुक एवं ग्राहकवर्गमा यो सम्मान समर्पित गर्दै यसै महिनाभित्र डिनर्स एन्ड डिस्कभर ब्रान्डको स्वीकार्य थप गरिने बैंकले जनाएको छ । बैंकले हाल एक सय ५३ वटा एटीएम, पाँच हजार पाँचभन्दा बढी पस तथा करिब सात सय ई–कमर्स मर्चेन्टमार्फत सेवा प्रदान गर्दै आइरहेको छ ।


क्याटेगोरी : वित्त पूँजी बजार

तपाईको प्रतिक्रिया