एभरेष्ट बैकको भिषा डेबिट कार्डको स्वरूप परिवर्तन

काठमाडौं । एभरेष्ट बैंकले आफ्नो भिषा डेबिट कार्डलाई नयाँ स्वरूप दिएको छ । नयाँ स्वरूप भएको कार्ड कन्टयाक्टलेस भएको बैंकले जनाएको छ । बैंकले नयाँ कार्डको अनावरण गरेसँगै दराजसँग यो वर्षसम्मको विभिन्न अभियानमा सहभागी भएर आफ्ना भिषा कार्ड प्रयोगकर्ताहरूलाई छुट दिने जनाएको छ । साथै बैंकको सो कार्ड मोको वालेटमा लिंक गरेर पनि कारोबार गर्न सकिन्छ । बैंकका उच्च पदस्थ अधिकारीको उपस्थितिमा सो नयाँ स्वरूपको कार्डको सुरुवात गर्दै बैंकका प्रमुख कार्यकारी अधिकृत सुदेश खालिङले आगामी दिनमा समेत आफ्ना कार्ड प्रयोगकर्ताहरूलाई विभिन्न सुविधा थपिँदै लगिने कुरा जानकारी गराए ।

स्थापना कालदेखि नै ग्राहकहरूको पहिलो रोजाइको यस बैंकमा हालसम्म १२ लाखभन्दा बढी सन्तुष्ट ग्राहकहरू रहेका छन् तथा देशैभरि छरिएर रहेको आफ्नो एक सय १८ वटा शाखा सञ्जाल, चारवटा एक्सटेन्सन काउन्टर, सातवटा प्रादेशिक कार्यालय, एक सय ५३ वटा एटीएमसहित विश्वव्यापी नेटवर्कबाट अत्याधुनिक मोबाइल र इन्टरनेट र एसएमएस बै्रंकिङ सुविधा प्रदान गर्दै आइरहेको छ । यस बैंकले नेपाल सरकारको राजस्व संकलनको लागि ३१ वटा संकलनकेन्द्रबाट समेत सेवा दिँदै आइरहेको छ ।