सातामा पाँच अर्ब चार करोड २९ लाख ५७ हजार रुपैयाँको सेयर खरिदबिक्री

काठमाडौं । यससाता सेयरबजार परिसूचक एक हजार नौ सय ३७ दशमलव ७४ विन्दुमा कायम रहेको छ । यसैगरी क वर्गका कम्पनीहरूको कारोबार मापन गर्ने सेन्सिटिभ इन्डेक्स पनि तीन सय ७६ दशमलव ८४ विन्दुुमा सीमित भएको छ ।

यस साता धितोपत्र बजारमा दुुई सय २७ वटा कम्पनीहरूको सेयर कारोबार भएका छन् । जसअनुुसार एक लाख १३ हजार सात सय ५८ पटकको कारोबारमा एक करोड ४८ लाख ७६ हजार एक सय ४६ कित्ता सेयर खरिदबिक्री हुुँदा कुल कारोबार रकम पाँच अर्ब चार करोड २९ लाख ५७ हजार पाँच सय १६ रुपैयाँ पुगेको छ । यो कारोबार रकम गत साताको तुलनामा झण्डै दुई अर्ब रुपैयाँले कम हो ।

गत साता भने धितोपत्र बजारमा दुुई सय २६ वटा कम्पनीहरूको सेयर कारोबार भएका थिए । जसअनुुसार एक लाख ६२ हजार नौ सय ३६ पटकको कारोबारमा दुई करोड १२ लाख ४५ हजार सात सय ७८ कित्ता सेयर खरिदबिक्री हुुँदा कुल कारोबार रकम सात अर्ब ५५ करोड ४३ लाख ५८ हजार नौ सय २४ रुपैयाँ पुगेको थियो । यस साता नेप्सेको नियमित कारोबार कक्ष पाँच कार्यदिन मात्र खुला रहेको थियो । जसमध्ये पहिलो दिन सेयरबजार परिसूचक उकालो लागेको थियो भने बाँकी दिनहरूमा बजार परिसूचक ओरालो लागेको थियो । छैठौँ कार्यदिन भने सार्वजनिक बिदा परेका कारण नेप्सेको नियमित कारोबार कक्ष बन्द रहेको थियो ।

जसमध्ये पहिलो कारोबार दिन बजार परिसूचक छ दशमलव ६८ अंकले उकालो लागेर एक हजार नौ सय ७७ दशमलव ३० विन्दुुमा चढेकोमा क वर्गका कम्पनीहरूको कारोबार मापन गर्ने सेन्सिटिभ इन्डेक्स पनि शून्य दशमलव ५७ अंकले उकालो लागेर तीन सय ८३ दशमलव ७७ विन्दुमा चढेको थियो । दोस्रो कारोबार दिन भने बजार परिसूचक चार दशमलव २९ अंकले ओरालो लागेर एक हजार नौ सय ७३ दशमलव एक विन्दुुमा झरेकोमा सेन्सिटिभ इन्डेक्स पनि शून्य दशमलव ८२ अंकले ओरालो लागेर तीन सय ८२ दशमलव ९५ विन्दुमा झरेको थियो ।

तेस्रो कारोबार दिन पनि बजार परिसूचक २१ दशमलव १६ अंकले ओरालो लागेर एक हजार नौ सय ५१ दशमलव ८४ विन्दुुमा झरेकोमा क वर्गका कम्पनीहरूको कारोबार मापन गर्ने सेन्सिटिभ इन्डेक्स पनि तीन दशमलव ८७ अंकले ओरालो लागेर तीन सय ७९ दशमलव आठ विन्दुमा झरेको थियो । चौथो कारोबार दिन पनि बजार परिसूचक ११ दशमलव ९७ अंकले ओरालो लागेर एक हजार नौ सय ३९ दशमलव ८८ विन्दुुमा झरेकोमा सेन्सिटिभ इन्डेक्स पनि एक दशमलव सात विन्दुले ओरालो लागेर तीन सय ७७ दशमलव ३८ विन्दुमा झरेको थियो ।

पाँचौँ कारोबार दिन पनि बजार परिसूचक दुई दशमलव १३ अंकले ओरालो लागेर एक हजार नौ सय ३७ दशमलव ७४ विन्दुुमा झरेकोमा सेन्सिटिभ इन्डेक्स पनि शून्य दशमलव ५४ विन्दुले ओरालो लागेर तीन सय ७६ दशमलव ८४ विन्दुमा झरेको थियो । छैठौँ कार्यदिन भने सार्वजनिक बिदा परेका कारण नेप्से बन्द रहेको थियो ।

यससाता बढी रकम कारोबार गर्ने कम्पनीहरूको सूचीमा शिवम् सिमेन्ट, नेसनल हाइड्रोपावर कम्पनी, नेपाल टेलिकम आदि अगाडि परेका छन् भने सेयर कारोबार भएको संख्याको आधारमा शिवम् सिमेन्ट, नेपाल टेलिकम, नेसनल हाइड्रोपावर कम्पनी, आदि अगाडि परेका छन् । यसैगरी बजार पुँजीकरणको आधारमा भने यससाता पनि नेपाल टेलिकम, नबिल बैंक, नेपाल लाइफ इन्स्योरेन्स कम्पनी आदि परेका छन्   ।