Techie IT
×
गृहपृष्ठवित्त पूँजी बजारमाछापुच्छ्रे बैंकका ग्राहकले टिभी तथा वर्ल्ड लिंक इन्टरनेट प्याकेज ईएमआईमा पाउने

माछापुच्छ्रे बैंकका ग्राहकले टिभी तथा वर्ल्ड लिंक इन्टरनेट प्याकेज ईएमआईमा पाउने


काठमाडौं । माछापुच्छ्रे बैंकका क्रेडिट कार्ड प्रयोगकर्ताहरुलाई ईएमआई सुविधामा टिभी तथा इन्टरनेट प्याकेज उपलब्ध गराउने सम्बन्धमा माछापुच्छ्रे बैंक लिमिटेड, एनआईटिभी स्ट्रिम्ज प्रालि र वर्ल्ड लिंक कम्युनिकेशनबिच त्रिपक्षीय सम्झौंता भएको छ । उक्त सम्झौतापत्रमा एनआईटिभी र वर्ल्ड लिंकको तर्फबाट प्रमुख कार्यकारी अधिकृत निरन राजभण्डारी र केशव नेपाल तथा माछापुच्छ्रे बैेंकको तर्फबाट नायब महाप्रबन्धक प्रसिद्ध राज अर्यालले हस्ताक्षर गरेका छन् ।

उक्त सम्झौता बमोजिम यस बैंकका क्रेडिटकार्ड प्रयोगकर्ताले बैंकको इन्स्टा पे सुविधामार्फत टिभी तथा इन्टरनेटसम्बन्धी विभिन्न कम्बो प्याकेज ईएमईमा लिन सकिने व्यवस्था गरिएको छ । आउदो दशैं, तिहार एवं छठ पर्वलाई लक्षित गरी एनआईटिभी र वर्ल्ड लिंकले संचालन गरेको फेस्टी अफरमा ग्राहकले करीव ५६ प्रतिशतसम्मको छुट पाउन सक्नेछन् ।

बैंकका ग्राहकहरूले उक्त सुविधा बैंकको क्रेडिट कार्ड तथा इन्स्टा पेबाट उपभोग गर्न सक्नेछन् । बैंकको क्रेडिट कार्ड नभएका ग्राहकहरुले अनलाइनमार्फत कार्डको लागि आवेदन दिन सक्नेछन् । हाललाई यो सुविधा वर्ल्डलिंक र एनआईटिभीको नेपालस्थित सबै कार्यालयहरुमार्फत उपलब्ध गराईनेछ ।

बैंकले देशभर रहेका विभिन्न संघसंस्था तथा व्यापार व्यवसायसंग व्यावसायिक सम्झौता गरि आफ्ना ग्राहकहरुलाई आर्कषक सुविधा प्रदान गर्दै आएको छ ।


क्याटेगोरी : वित्त पूँजी बजार

तपाईको प्रतिक्रिया