Techie IT
आजको आर्थिक दैनिक

Aarthik Dainik

An Economic Newsportal

गृहपृष्ठबैंक बित्त बजारमेगा बैंकको मोबाइल एपबाट फोनपे क्यूआर गर्दा छुट

मेगा बैंकको मोबाइल एपबाट फोनपे क्यूआर गर्दा छुट


काठमाडौं । मेगा बैंकको मोबाइल एपमार्फत पहिलोपटक फोनपेको क्युआरबाट भुक्तानी गर्दा १० प्रतिशतसम्म अर्थात बढीमा एक सय रुपैयाँसम्म छुट पाइने भएको छ । फोनपे र मेगाबीच ग्राहकलाई यस किसिमको सुविधा प्रदान गर्ने सम्झौता भएपछि ग्राहकहरूले यस्तो सुविधा पाएका हुन् ।

सम्झौतापत्रमा मेगा बैंकका डिजिटल तथा ई–बैंकिङ विभाग प्रमुख विश्व सिंह र फोनपेका तर्फबाट बिजनेस डेभलपमेन्ट प्रमुख रूशान्त श्रेष्ठले हस्ताक्षर गरेका छन् । बैंकका अनुसार यो योजना असोज सात गतेदेखि १३ गतेसम्म सञ्चालन हुनेछ । चाडपर्वमा किनमेल गर्न केही सुलभ होस् भन्ने उद्देश्यले यो योजना ल्याइएको बैंकले जानकारी दिएको छ ।

फोनपे नेटवर्कमा आबद्ध कुनै पनि बैंक तथा वित्तीय संस्था तथा विभिन्न भुक्तानी सेवा प्रदायकका मोबाइल एपबाट सहजै क्युआरमार्फत भुक्तानी गर्न सकिन्छ । फोनपे नेटवर्कमा ६० वटा बैंक तथा वित्तीय संस्था र भुक्तानी प्रणाली सञ्चालक आबद्ध छन् । यस्तै फोनपेमा हालसम्म करिब १० लाख मर्चेन्टहरू आबद्ध रहेका छन् । 


क्याटेगोरी : बैंक बित्त बजार

तपाईको प्रतिक्रिया