साधना लघुवित्तले कमायो ११ करोड ६१ लाख

काठमाडौं । साधना लघुवित्त वित्तीय संस्थाले आर्थिक वर्ष २०७८–०७९ मा ११ करोड ६१ लाख २५ हजार रुपैयाँ खुद मुनाफा कमाएको छ । अघिल्लो आवमा भने संस्थाले ११ करोड ७० लाख ९५ हजार रुपैयाँ खुद मुनाफा कमाएको थियो । हाल चुक्ता पुँजी ३२ करोड १२ लाख २५ हजार रुपैयाँ रहेको संस्थाले आर्थिक वर्ष २०७८–०७९ मा एक अर्ब ३४ करोड २१ लाख ९० हजार रुपैयाँ निक्षेप संकलन गरी पाँच अर्ब ३९ करोड तीन लाख छ हजार रुपैयाँ कर्जा प्रवाह गरेको छ ।

यस अवधिमा २८ करोड ८७ लाख ७७ हजार रुपैयाँ खुद ब्याज आम्दानी गरेको संस्थाको प्रोभिजन रकम दुई करोड ५१ लाख ३९ हजार रुपैयाँ रहेको छ भने निष्क्रिय कर्जाको अनुपात एक दशमलव ९२ प्रतिशत रहेको थियो ।

गत आवमा भने संस्थाले ८३ करोड ५२ लाख २३ हजार रुपैयाँ निक्षेप संकलन गरी तीन अर्ब २६ करोड ४९ लाख आठ हजार रुपैयाँ कर्जा प्रवाह गरेको थियो । उक्त अवधिमा २४ करोड २६ लाख ६८ हजार रुपैयाँ खुद ब्याज आम्दानी गरेको संस्थाको प्रोभिजन रकम तीन करोड ७४ लाख ११ हजार रुपैयाँ रहेको थियो भने निष्क्रिय कर्जाको अनुपात दुई दशमलव शून्य दुइ प्रतिशत रहेको थियो ।