Techie IT
×
गृहपृष्ठवित्त पूँजी बजारनेपाल इन्भेष्टमेन्ट र मेगाको वार्षिक साधारणसभा

नेपाल इन्भेष्टमेन्ट र मेगाको वार्षिक साधारणसभा


काठमाडौं । मर्जरसम्बन्धी प्रस्ताव पारित गर्नको लागि नेपाल इन्भेष्टमेन्ट बैंक र मेगा बैंक नेपाल लिमिटेडले छुट्टाछुट्टैरूपमा वार्षिक साधारणसभाको आह्वान गरेका छन् । यही पुस ७ गते दुवै बैंकले एक–आपसमा मर्जर गर्नको लागि छुट्टाछुट्टैरूपमा वार्षिक साधारणसभाको आह्वान गरेका हुन् ।

सोअनुसार नेपाल इन्भेष्टमेन्ट बैंकले पुस सात गते कमलादीस्थित प्रज्ञाभवनमा आफ्नो ३६औँ वार्षिक साधारणसभा गर्न लागेको छ । सोही दिन मेगा बैंकले पनि भृकृटीमण्डपस्थित राष्ट्रिय सभागृहमा आफ्नो १२औँ वार्षिक साधारण गर्न लागेको हो । मेगाको बुधबार बसेको सञ्चालक समितिको तीन सय ७७औँ बैठकले वार्षिक साधारणसभासम्बन्धी निर्णय गरेको हो ।

उक्त सभामार्फत मेगाले हाल कायम रहेको चुक्ता पुँजी १६ अर्ब १२ करोड चार लाख ६१ हजार चार सय ५३ रूपैयाँमध्येबाट चार प्रतिशतको अनुपातमा ६४ करोड ४८ लाख १८ हजार चार सय ५८ रूपैयाँबराबरको बोनस सेयर वितरण गर्ने प्रस्ताव पारित गर्ने तयारी गरेको छ । यसबाहेक उक्त सभाले नेपाल इन्भेष्टमेन्ट बैंकसँग मर्जरमा जाने प्रस्ताव समेत पारित गर्ने तयारी गरेको छ ।


क्याटेगोरी : वित्त पूँजी बजार

तपाईको प्रतिक्रिया