सिभिल लघुवित्तको नाफा ७२ लाख ८३ हजार

काठमाडौं । सिभिल लघुवित्त वित्तीय संस्थाले चालू आर्थिक वर्षको पहिलो त्रैमासिक अवधिमा ७२ लाख ८३ हजार नौ सय रुपैयाँ खुद मुनाफा आर्जन गरेको छ । गत आवको सोही अवधिमा भने संस्थाको यस्तो नाफा एक करोड ४४ लाख १९ हजार दुई सय २२ रुपैैयाँ रहेको थियो । हाल चुक्ता पुँजी २८ करोड ८१ लाख २४ हजार चार सय १६ रुपैयाँ रहेको संस्थाले चालू आवको पहिलो त्रैमासमा एक अर्ब दुई करोड १० लाख ९७ हजार आठ सय १९ रुपैयाँ निक्षेप संकलन गरी चार अर्ब दुई करोड ८७ लाख ८३ हजार दुई सय ६७ रुपैयाँ कर्जा प्रवाह गरेको छ । सो अवधिमा पाँच करोड ६५ लाख १६ हजार एक सय १९ रुपैयाँ खुद ब्याज आम्दानी गरेको संस्थामा दुई दशमलव ६० प्रतिशत कर्जा निष्क्रिय रहेको छ । सो अवधिमा चार दशमलव ५७ प्रतिशत स्प्रेड दर रहेको संस्थाको वितरणयोग्य नाफा भने छ लाख ६१ हजार ७२ रुपैयाँ रहेको छ ।

गत आवको सोही अवधिमा भने संस्थाले नौ सय ९७ करोड ७८ लाख ३९ हजार २२ रुपैयाँ निक्षेप संकलन गरी तीन अर्ब ८५ करोड ९८ लाख ४६ हजार चार सय १२ रुपैयाँ कर्जा प्रवाह गरेको थियो । उक्त अवधिमा पाँच करोड २१ लाख ७९ हजार छ सय ४९ रुपैयाँ खुद ब्याज आम्दानी गरेको संस्थामा एक दशमलव ८८ प्रतिशत कर्जा निष्क्रिय रहेको थियो भने स्प्रेड दर आठ दशमलव ७४ प्रतिशत रहेको थियो ।