सानिमा बैंकको १८ वटा सुविधासहितको ‘जेनेरेसन सानिमा सेभिङ खाता’ सञ्चालन

काठमाडौं । सानिमा बैंकले १८औँ वार्षिकोत्सवको अवसरमा १८ वटा सुविधासहितको ‘जेनेरेसन सानिमा सेभिक खाता’ सञ्चालनमा ल्याएको छ । उक्त खाता १८ वर्षभन्दा माथिका युवा वर्गहरूलाई लक्षित गरी ल्याइएको बचत खाता हो ।

शून्य मौजदातमा खोल्न सकिने उक्त खातामा मोबाइल बैंकिङ, इन्टरनेट बैंकिङ, डेबिट कार्ड, इ–कम कार्ड (पहिलो टपअप निःशुल्क), डिम्याट खाता र मेरो सेयर निःशुल्क जारी गरिनेछ । साथै, बैंकले निःशुल्क भेरिफाइड बाइ भिसा दर्ता, निःशुल्क सिआस्वा आवेदन, देशभरिका भिसा नेटवर्क एटीएममा मासिक तीन पटक निःशुल्क रकम झिक्न सकिने र निःशुल्क इ स्टेटमेन्ट सेवाको व्यवस्था पनि गरेको छ । यसका साथै विदेशी सटहीमा शून्य दशमलव १० पैसाको प्रिमियम/छुट, शैक्षिक कर्जा र अन्य कर्जाहरूको सेवा शुल्कमा शून्य दशमलव २५ प्रतिशत छुट, डलर ट्राभल कार्ड जारी गर्दा १८ प्रतिशत छुट, स्विफ्ट र डिमान्ड ड्राफ्टको शुल्कमा १८ प्रतिशत छुट र अमेरिकी डलर भिसा कार्डबाट अनलाइन भुक्तानी गर्दा १८ प्रतिशत छुट दिने व्यवस्था ल्याएको छ ।

यो खाताले युवा वर्गहरूबीच बचत गर्ने बानी र डिजिटल बैंकिङको प्रयोगलाई बढावा दिने बैंकको विश्वास रहेको छ । बैंकले देशको सातवटै प्रदेशमा एक सय ३० वटा शाखा कार्यालयहरू र एक सय २३ वटा एटीएम काउन्टहरूमार्फत वित्तीय सेवा उपलब्ध गराउँदै आएको छ ।