एनएमबी बैंक र एलोई प्रालिबीच सम्झौता

काठमाडौं । एनएमबी बैंक र एलोई प्रालिबीच डिजिटल फाइनान्सिङको लागि रणनीतिक सम्झौता भएको छ । नेपालमा विद्युतीय सवारी क्षेत्रमा काम गरिरहेका उद्यमीहरूलाई ‘एलोई डिजिटल लोन ट्र्याकिङ सिस्टम’मार्फत फाइनान्स सेवा पु¥याउने सम्बन्धमा दुई संस्थाहरूबीच सम्झौता भएको हो ।

सम्झौतामा एनएमबी बैंकको तर्फबाट बैंकका प्रमुख कार्यकारी अधिकृत (सीईओ) सुनिल केसी र एलोइको तर्फबाट सहसञ्चालक सोनिका मानन्धरले हस्ताक्षर गरेका हुन् । योसँगै कम्पनीहरूले भविष्यमा कृषि एवं हरित ऊर्जामा वित्तीय लगानी गर्नेछन् । एलोई प्रालिले विगत लामो समयदेखि उद्यमीहरूलाई फाइनान्सिङमा मद्दत गरिरहेको छ । एनएमबी बैंकले भने २६ वर्षदेखि नेपालमा बैंकिङ क्षेत्रको विभिन्न क्षेत्रमा सक्रिय रूपमा काम गर्दै आइरहेको छ ।