नवमैत्री बचत तथा ऋण सहकारीको नाफा ५५ प्रतिशत
काठमाडौं । नवमैत्री बचत तथा ऋण सहकारी संस्था लिमिटेडको १३औँ वार्षिक साधारणसभा सम्पन्न भएको छ । काठमाडौं महानगरपालिका वडा न ९ बत्तीसपुतलीमा रहेको संस्थाको शनिबार होटल तपसमा साधारणसभा सम्पन्न भएको हो ।
सभामा संस्थाका अध्यक्ष किरण बर्तौलाले विश्व अर्थतन्त्र नै नकारात्मक अवस्थामा रहेको अवस्थामा समेत संस्थाले सन्तोषजनकरूपमा व्यावसायिक सफलता हाँसिल गर्न सफल भएको बताए । देशभरि देखिएको आर्थिक सङ्कटले संस्थाको बचत तथा ऋण कारोबारमा केही प्रभाव देखिए पनि संस्थाको सञ्चालक समिति, लेखा समिति, अन्य उपसमितिहरू र व्यवस्थापनको तदारुकताका कारण संस्थाको बचत कर्जा र सम्पूर्ण कारोबारमा वृद्धि भई गतवर्षभन्दा ५५ प्रतिशत नाफा बढाउन सफल भएको उनको भनाइ थियो ।
यसबाहेक गत आवको तुलनामा कारोबार रकम दुई करोड ५० लाख रुपैयाँले बढेको एवं तरलता ३० प्रतिशत कायम रहेको जानकारी पनि अध्यक्ष बर्तौलाले दिए । यसवर्ष संस्थाले असुलीमा विशेष पहल गरी खराब कर्जा घटाउनुको साथै पूर्ण धितो कर्जाको नीति अवलम्बन गरी थप सुरक्षित बाटोतर्फ अग्रसर भई अघि बढेको उनको भनाइ थियो ।
सभाका संस्थाका कोषाध्यक्ष सुलभ श्रेष्ठले संस्थाको आर्थिक वर्ष २०७८/०७९ को कारोबार विवरण र आर्थिक वर्ष २०७९/०८० को अनुमानित कारोबार विवरण प्रस्तुत गरे । कोषाध्यक्ष श्रेष्ठका अनुसार २०७८/०७९ को अन्त्यसम्ममा संस्थाको सेयर पुंँजी दुई अर्ब २० करोड ७३ लाख छ सय रुपैयाँ पुगेको छ । जगेडा कोषमा एक करोड एक लाख १५ हजार नौ सय छ रुपैयाँ ३९ पैसा र अन्य कोषमा ८८ लाख २४ हजार सात सय ६६ रुपैयाँ ५५ पैसा रहेको छ ।
हाल संस्थाको विभिन्न कोषमा जम्मा भएको कारोबार रकमको आधारमा हेर्ने हो भने संस्थाको विविध कोषहरू मजबुद रहेको श्रेष्ठले बताए । यसैगरी संस्थाको निक्षेपतर्फ सात करोड २६ लाख आठ हजार सात सय ३२ रुपैयाँ ७१ पैसा र कर्जा लगानीतर्फ १२ करोड ९९ लाख ६३ हजार एक सय पाँच रुपैयाँ १८ पैसा रहेको छ । निक्षेप र लगानीमा अन्तर देखिए पनि सहकारीहरूको छाता संगठन (नेफुस्कुन)बाट कर्जा उपयोग भएको र संस्थाको कोषहरूमा पर्याप्त रकम भएकाले समग्रमा संस्थाको कारोबार सन्तुलित रहेको कोषाध्यक्ष श्रेष्ठले जानकारी दिए ।
संस्थाको आम्दानीतर्फ पनि जम्मा ब्याज आम्दानी एक करोड ९२ लाख २८ हजार तीन सय २६ रुपैयाँ ८९ पैसा रहेको छ भने संंस्थाको ब्याज खर्च ७९ लाख पाँच हजार एक सय ४२ रुपैयाँ ७६ पैसा रहेको छ । सोही आधारमा सम्पूर्ण हरहिसाबपश्चात् संस्थाको खुद आम्दानी ४८ लाख ३५ हजार नौ सय २२ रुपैयाँ ३४ पैसा पुगेको जानकारी पनि कोषाध्यक्ष श्रेष्ठले दिए । यस्तै आर्थिक वर्ष २०७९/०८० को अनुमानित कारोबार विवरण प्रस्तुत गर्दै श्रेष्ठले उक्त वर्ष बचत सङ्कलन बढ्ने, सुरक्षित कर्जा लगानी र असुली हुनेमा संस्था विश्वस्त रहेको बताए ।
आव २०७९/०८० मा निक्षेपतर्फ ११ करोड र लगानीतर्फ १५ करोड पुग्ने लक्ष्य लिएको भन्दै उनले उक्त आर्थिक वर्षमा जम्मा कारोबार १७ करोड रुपैयाँ पु-याउने लक्ष्य लिएको जानकारी दिए ।
क्याटेगोरी : बैंक बित्त बजार
ताजा अपडेट
- भूकम्पका बारेमा विद्यालयको पाठ्यक्रममा जानकारी राखिनुपर्छ: मन्त्री भण्डारी
- आसन्न महाधिवेशन कम्युनिष्ट आन्दोलनको ऐतिहासिक उपलब्धि हो: पूर्वप्रधानमन्त्री खनाल
- गर्मीयाममा कस्तो पेयपदार्थ पिउने त ?
- पुरातात्विक सम्पदाको संरक्षण र पुनःनिर्माणमा चासो
- स्वास्थ्य क्षेत्रमा नयाँ चुनौतीहरू देखापरेकाले त्यसतर्फ सचेत हुनु आवश्यक छ: प्रधानमन्त्री
- डढेलोको चपेटा र मानव बस्ती
- सहकारीमा नीति नभएको कि मति नभएको ?
- दैनिक अर्बौँ घाटाको व्यापार
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया