हिमालयन बैंकको ‘रिसाकलर मेसिन’

काठमाडौं । हिमालयन बैंकले विभिन्न शाखाहरूमा ‘क्यास रिसाइकलर मेसिन’ (सीआरएम) सञ्चालनमा ल्याएको छ । ग्राहकहरूको सहजता र सुविधालाई मध्यनजर गर्दै सातवटा शाखामा उक्त मेसिन सञ्चालनमा ल्याएको जानकारी बैंकले दिएको छ ।

बैंकले हाल केन्द्रीय कार्यालय कमलादी, ठमेल शाखा, महाराजगञ्ज शाखा, न्यूरोड शाखा, पाटन शाखा, भरतपुर शाखा र भैरहवा शाखामा स्थानान्तरण गरी सेवा प्रदान गर्दैछ भने यसको संख्या बढ्ने क्रम जारी रहेको बैंकको भनाइ छ ।

यो मेसिनबाट सेवाग्राहीहरूले कुनै पनि समयमा कुनै झन्झटविना नै खातामा रकम जम्मा तथा झिक्न सकिने बैंकले बताएको छ । सो मेसिनबाट रकम जम्मा गर्दा विनाएटीएम कार्ड नै सिधा खाता नम्बर प्रविष्ट गरी जम्मा गर्न सकिन्छ ।

मेसिनबाट जम्मा गरिएको सो रकम तत्कालै खातामा जम्मा हुनेछ जसले गर्दा खातावालाले तुरुन्तै कारोबार गर्न सक्नेछन् । बैंकको यो सुविधाले बैंकका ग्राहकहरूलाई बैंकिङ कारोबारको समय अघि–पछि पनि थप सुविधा मिल्ने बैंकको विश्वास छ ।

हाल बैंकले नेपालभरि फैलिएको कुल ७४ शाखा, छवटा विस्तारित काउन्टर, एक सय ६० एटीएम र छ हजारभन्दा बढी पीओएस टर्मिनलबाट सेवा प्रदान गर्दै आएको छ ।