Techie IT
आजको आर्थिक दैनिक

Aarthik Dainik

An Economic Newsportal

गृहपृष्ठबैंक बित्त बजारयुनाइटेड इन्स्योरेन्सको २९औँ वार्षिक साधारणसभा

युनाइटेड इन्स्योरेन्सको २९औँ वार्षिक साधारणसभा


काठमाडौं  । युनाइटेड इन्स्योरेन्स कम्पनी (नेपाल) लि.को २९औँ वार्षिक साधारणसभा सम्पन्न भएको छ । कम्पनीले बुधबार काठमाडौंमा वार्षिक साधारणसभा सम्पन्न गरेको हो ।

सभामा सञ्चालक समितको वार्षिक प्रतिवेदन, आर्थिक वर्ष २०७८/७९ को लेखापरीक्षण प्रतिवेदनसहितको लेखापरीक्षण गरिएको २०७९ साल असार मसान्तसम्मको वासलात, नाफा नोक्सान हिसाब र नगद प्रभाह विवरण तथा सोसँग सम्बन्धित अनुसूचीहरू पारित गरिएको कम्पनीले जानकारी दिएको छ । आर्थिक वर्ष २०७९/८० का लागि बाह्य लेखापरीक्षक श्री एमजी एस एन्ड एसोसिएट्स चार्टर्ड एकाउन्टेन्टसलाई नियुक्त गरेको छ ।

कम्पनीको हाल कायम चुक्ता पुँजीको पाँच प्रतिशतले हुन आउने रकम पाँच करोड १४ लाख आठ हजार बोनस सेयर र कर प्रयोजनका लागि नगद लाभांश शून्य दशमलव २६ प्रतिशतले हुनआउने रकम पनि तिवरण गर्ने प्रस्ताव पारित गरेको छ । कम्पनीको संस्थापक सेयर तथा सर्वसाधारण सेयरको अनुपातबमोजिम सञ्चालक समितिको गठन गर्ने तथा सोहीबमोजिम कम्पनीको प्रबन्धपत्र, नियमावलीमा आवश्यक संशोधन गर्ने निर्णय सर्वसहमतिले पारित गरिएको कम्पनीको भनाइ छ ।

कम्पनीको गत आव २०७७/७८ को तुलनामा यस आव २०७८/७९ मा बीमाशुल्क आर्जन ४२ प्रतिशतले वृद्धि भई एक अर्ब ५६ करोड ४५ लाख ८६ हजार गर्न सफल भएको छ । त्यसैगरी गत आव २०७७/७८ को तुलनामा आव २०७८/७९ मा कम्पनीको नाफामा ६८ प्रतिशतले वृद्धि भई १५ करोड ८३ लाख ६८ हजार भएको छ ।

साथै चालू आव २०७९/८० को आश्विन मसान्तसम्ममा कम्पनीको खुद नाफा गत आव २०७८/७९ को सोही अवधिको तुलनामा ९० प्रतिशतले वृद्धि भई दुई करोड २६ लाख ९२ हजार भएकोे छ भने चालू आव २०७९/८० को पुस ४ गतेसम्ममा कम्पनीले ५१ करोड ५९ लाख २९ हजार बीमाशुल्क आर्जन गर्न सफल भएको जानकारी दिएको छ ।


क्याटेगोरी : बैंक बित्त बजार

तपाईको प्रतिक्रिया