Techie IT
आजको आर्थिक दैनिक

Aarthik Dainik

An Economic Newsportal

गृहपृष्ठसमाचारसुचक तथा कारोबार रकम दुबैमा उच्च बृद्धि

सुचक तथा कारोबार रकम दुबैमा उच्च बृद्धि


काठमाडौं । बजार परिसुचक पुन उकालो लागेको छ । अघिल्लो दिन उकालो लागेको बजार परिसुचक साताको चौंथो कारोबार दिन आज बुधबार पुन १० दशमलव ३७ अंकले उकालो लागेर २१ सय ८३ दशमलव ६२ बिन्दुमा चढेको छ ।

क बर्गका कम्पनीहरुको कारोबार मापन गर्ने सेन्सिटिभ इन्डेक्स भने एक दशमलव ३० अंकले ओरालो लागेर चार सय १४ दशमलव २४ बिन्दुमा खुम्चिएको छ । आज १३ वटा उपसमुहहरु अन्तर्गत दुई सय ६१ वटा कम्पनीहरुको सेयर किनबेच भएका छन् । सो अनुसार ५४ हजार तीन सय ७७ पटकको कारोबारमा ९५ लाख ३२ हजार आठ सय ६७ कित्ता सेयर खरिद बिक्री भएका छन् । सोही खरिद बिक्रीकाका आधारमा आज कुल कारोबार रकम तीन अर्ब ४६ करोड ६५ लाख आठ हजार तीन सय ८८ रुपैंयाँ कायम भएको छ ।

नेपाल स्टक एक्सचेन्ज लिमिटेड (नेप्से) मा आज कारोबार भएका कुल उपसमुहहरु मध्ये तीन वटा उपसमुहहरुको सुचक ओरालो लागेका छन् भने १० वटा उपसमुहहरुको सुचक उकालो लागेका छन् ।


क्याटेगोरी : समाचार

तपाईको प्रतिक्रिया