हिमालयन बैंकद्वारा थप दुईवटा भुक्तानी काउन्टर सञ्चालन

काठमाडौं । हिमालयन बैंक लिमिटेडले थप दुईवटा भुक्तानी काउन्टर सञ्चालनमा ल्याएको छ । बैंकले आफ्नो सेवा–सुविधा विस्तार गर्ने क्रममा बागमती प्रदेशको महाराजगञ्जस्थित कान्ति बाल अस्पतालमा बुधबारदेखि थप दुई बिल भुक्तानी काउन्टर सञ्चालनमा ल्याएको हो ।

बैंकले कान्ति बाल अस्पतालको आकस्मिक वार्ड र बाल मनोरोग वार्डमा आउने बिरामीहरू र बिरामीहरूका परिवारजनलाई लक्षित गरी सो काउन्टरहरू स्थापना गरेको हो । उक्त भुक्तानी काउन्टरहरूले सार्वजनिक बिदाबाहेक अन्य दिनहरूमा बिहान ९ः०० बजेदेखि अपराह्न ३ः०० बजेसम्म ग्राहकवर्गहरूलाई सेवा प्रदान गर्नेछन् ।

बैंकले हाल देशभरि रहेका ७४ शाखा, छवटा विस्तारित काउन्टर एक सय ६० एटीएम र छ हजारभन्दा बढी पस टर्मिनलबाट आफ्ना ग्राहकवर्गहरूलाई सेवा प्रदान गर्दै आएकोे छ ।