स्टान्डर्ड चार्टर्ड बैंकले दुई अर्ब ४० करोड रुपैयाँबराबरको ऋणपत्र जारी गर्ने

काठमाडौं । स्टान्डर्ड चार्टड बैंकले दुई अर्ब ४० करोड रुपैयाँबराबरको ऋणपत्र जारी गर्ने भएको छ । बैंकका अनुसार एक हजार रुपैयाँ अंकित मूल्य कायम रहनेगरी २४ लाख कित्ता ऋणपत्र जारी गर्न लागिएको हो ।

परिपक्व हुने अवधिमा पाँच वर्ष तोकिएको ऋणपत्रमा वार्षिक १० दशमलव ३० प्रतिशत व्याजदर कायम रहेको छ । बिक्री प्रबन्धक एनआईबीएल एस क्यापिटल लिमिटेड रहेको बैंकको ऋणपत्रको बिक्रीकार्य यही माघ २६ गतेबाट सुरु भई ढिलोमा फागुन एक गते र छिटोमा फागुन ११ गते बन्द हुनेछ । लगानीकर्ताहरूले न्यूनतम २५ देखि अधिकतम एक लाख कित्तासम्मको ऋणपत्र खरिदको लागि आवेदन दिन सक्नेछन् ।