सिभिल लघुवित्तको नाफा एक करोड ३३ लाख

काठमाडौं  । सिभिल लघुवित्त वित्तीय संस्थाले चालू आर्थिक वर्षको दोस्रो त्रैमासिक अवधिमा एक करोड ३३ लाख ८२ हजार सात सय ६० रुपैयाँ खुद मुनाफा आर्जन गरेको छ ।

गत आवको सोही अवधिमा भने संस्थाको यस्तो नाफा तीन करोड ७५ लाख ३३ हजार दुई सय नौ रुपैयाँ रहेको थियो । हाल चुक्ता पुँजी २८ करोड ८१ लाख २४ हजार चार सय ४१ रुपैयाँ रहेको संस्थाले चालू आवको दोस्रो त्रैमासिक अवधिमा एक अर्ब सात करोड १५ लाख ४६ हजार चार सय चार रुपैयाँ निक्षेप संकलन गरी चार अर्ब २१ करोड १७ लाख ९० हजार तीन सय ४० रुपैयाँ कर्जा प्रवाह गरेको छ ।

सो अवधिमा १० करोड ५५ लाख ११ हजार तीन सय नौ रुपैयाँ खुद ब्याज आम्दानी गरेको संस्थामा दुई दशमलव ९३ प्रतिशत कर्जा निष्क्रिय रहेको छ । वितरणयोग्य नाफा ६७ लाख ७२ हजार आठ सय ६५ रुपैयाँ रहेको संस्थाको स्प्रेड दर भने तीन दशमलव ५९ प्रतिशत रहेको छ ।

गत आवको सोही अवधिमा भने संस्थाले ९७ करोड ७८ लाख ३९ हजार २२ रुपैयाँ निक्षेप संकलन गरी तीन अर्ब ८५ करोड ६२ लाख ११ हजार पाँच सय छ रुपैयाँ कर्जा प्रवाह गरेको थियो । उक्त अवधिमा ११ करोड ८४ लाख ५४ हजार नौ सय ८३ रुपैयाँ खुद ब्याज आम्दानी गरेको संस्थामा एक दशमलव ३३ प्रतिशत कर्जा निष्क्रिय रहेको थियो भने स्प्रेड दर छ दशमलव ७३ प्रतिशत रहेको थियो ।