मिथिला लघुवित्तको नाफा दुई करोड १७ लाख

काठमाडौं । मिथिला लघुवित्त वित्तीय संस्थाले चालू आर्थिक वर्षको दोस्रो त्रैमासिक अवधिमा दुई करोड १७ लाख ४७ हजार रुपैयाँ खुद मुनाफा कमाएको छ । गत आवको सोही अवधिमा भने संस्थाको यस्तो नाफा तीन करोड ४६ लाख ५९ हजार रुपैयाँ रहेको थियो ।

हाल चुक्ता पुँजी १७ करोड चार लाख ३७ हजार रुपैयाँ रहेको संस्थाले चालू आवको दोस्रो त्रैमासमा ७९ करोड ४३ लाख ४९ हजार रुपैयाँ निक्षेप सङ्कलन गरी दुई अर्ब ३१ करोड ६४ लाख १५ हजार रुपैयाँ कर्जा प्रवाह गरेको छ । सो अवधिमा पाँच करोड ७२ लाख ४२ हजार रुपैयाँ खुद ब्याज आम्दानी गरेको संस्थाको प्रोभिजन रकम ८७ लाख २५ हजार रुपैयाँ रहेको छ भने निष्क्रिय कर्जाको अनुपात  तीन दशमलव २९ प्रतिशत
रहेको छ ।

गत आवको सोही अवधिमा भने संस्थाले ५८ करोड ९५ लाख ७१ हजार रुपैयाँ निक्षेप संकलन गरी एक अर्ब ९३ करोड ५५ लाख ३७ हजार रुपैयाँ कर्जा प्रवाह गरेको थियो । उक्त अवधिमा छ करोड ५२ लाख ३२ हजार रुपैयाँ खुद ब्याज आम्दानी गरेको संस्थाको प्रोभिजन रकम ५३ लाख ३१ हजार रुपैयाँ रहेको थियो भने निष्क्रिय कर्जाको अनुपात तीन दशमलव ९५ प्रतिशत रहेको थियो ।