मनकामना स्मार्ट लघुवित्तको लाभांश घोषणा

काठमाडौं  । मनकामना स्मार्ट लघुवित्त वित्तीय संस्थाले लाभांश घोषणा गरेको छ । संस्थाको यही माघ १६ गते बसेको लघुवित्त सञ्चालक समितिको बैठकले आर्थिक वर्ष २०७८/७९ को मुनाफाबाट सेयरधनीलाई पाँच प्रतिशत लाभांश वितरण गर्ने घोषणा गरेको हो ।

घोषित लाभांशअनुसार संस्थाले हाल कायम रहेको चुक्ता पूँजी १४ करोड १७ लाख ४५ हजार पाँच सय रुपैयाँमध्येबाट चार दशमलव ७५ प्रतिशत बोनस सेयर र कर प्रयोजनको लागि शून्य दशमलव २५ प्रतिशत नगद लाभांश वितरण गर्ने घोषणा गरेको हो ।

लाभांश वितरणसम्बन्धी सञ्चालक समितिको बैठकले गरेको प्रस्ताव नेपाल राष्ट्र बैंकको स्वीकृति एवं संस्थाको आगामी वार्षिक साधारणसभाबाट पारित भएपछि कार्यान्वयनमा आउनेछ ।