जीवन बिकास लघुवित्तको नाफा २६ करोड ४७ लाख

काठमाडौं ।  जीवन बिकास लघुवित्त वित्तीय संस्थाले चालु आर्थिक बर्षको दोस्रो त्रैमासिक अवधिमा २६ करोड ४७ लाख ८८ हजार छ सय ५९ रुपैंयाँ खुद मुनाफा कमाएको छ । गत आवको सोही अवधिमा भने संस्थाको यस्तो नाफा ४२ करोड १९ लाख ५१ हजार तीन सय ११ रुपैंयाँ रहेको थियो ।

हाल चुक्ता पुँजी एक अर्ब तीन करोड ४२ लाख ८० हजार रुपैंयाँ रहेको संस्थाले चालु आवको दोस्रो त्रैमासमा नौं अर्ब ९९ करोड ६६ लाख ९५ हजार नौं सय ६० रुपैंयाँ निक्षेप संकलन गरी २३ अर्ब २४ करोड ४९ लाख ४० हजार दुई सय ६५ रुपैंयाँ कर्जा प्रवाह गरेको छ । सो अवधिमा ७९ करोड ४५ लाख १० हजार सात सय १९ रुपैंयाँ खुद व्याज आम्दानी गरेको संस्थामा दुई दशमलव ८३ प्रतिशत कर्जा निष्क्रिय रहेको छ ।

वितरणयोग्य नाफा १९ करोड ३६ लाख १२ हजार एक सय ८६ रुपैंयाँ रहेको संथाको स्प्रेड दर भने चार दशमलव ६८ प्रतिशत रहेको छ ।
गत आवको सोही अवधिमा भने संस्थाले नौं अर्ब ५४ करोड ६६ लाख ९१ हजार तीन सय ७१ रुपैंयाँ निक्षेप संकलन गरी २३ अर्ब ३७ करोड २८ लाख १५ हजार छ सय ३२ रुपैंयाँ कर्जा प्रवाह गरेको थियो ।

उक्त अवधिमा ८३ करोड ५२ लाख २५ हजार ८६ रुपैंयाँ खुद व्याज आम्दानी गरेको संस्थामा शुन्य दशमलव ७५ प्रतिशत कर्जा निष्क्रिय रहेको थियो भने स्प्रेड दर पाँच दशमलव ६२ प्रतिशत रहेको थियो ।