Techie IT
आजको आर्थिक दैनिक

Aarthik Dainik

An Economic Newsportal

गृहपृष्ठबैंक बित्त बजारकेटीएम एडभेन्चर डे विथ २५० एडभेन्चर

केटीएम एडभेन्चर डे विथ २५० एडभेन्चर


काठमाडौं । मोटरसाइकल निर्माता केटीएमले केटीएम एडभेन्चर डे विथ २५० एडभेन्चर पूरा भएको घोषणा गरेको छ । माघ २८ गते दक्षिणकालीको हात्तीवन रिसोर्टमा आयोजना भएको महोत्सवमा तीन सयभन्दा बढीको सहभागिता थियो । सहभागीहरूले केटीएम एडभेन्चर २५० को शक्ति र प्रदर्शन अनुभव गर्ने मौका पाएका थिए ।

‘यस कार्यक्रमको ट्रयाक यसरी बनाइएको थियो कि सहभागीहरूले २५० एडभेन्चर बाइकको अफरोड क्षमता, शक्ति र ह्यान्डलिङको अनुभव लिन सकून् । चुनौतीपूर्ण ट्रयाकले बाइकको सीमालाई धकेल्यो र बाइकरहरूको सीप पनि परीक्षण ग¥यो’, कम्पनीद्वारा जारी विज्ञप्तिमा उल्लेख गरिएको छ । कडा प्रतिस्पर्धाका बाबजुद ७६ राइडरले ट्रयाक पूरा गरेका थिए । साथै ९ राइडरलाई प्रतियोगिताको विजेता घोषणा गरिएको थियो । कार्यक्रमले सहभागीहरूलाई केटीएम २५० एडभेन्चर पूर्ण रूपमा अनुभव गर्न प्लेटफर्म प्रदान गरेको कम्पनीको भनाइ छ । कम्पनीले आगामी दिनमा पनि यस्तै कार्यक्रमहरू आयोजना गर्ने जनाएको छ ।

केटीएम नेपालका एजीएम विजय मोक्तानले भने, ‘हामी कार्यक्रमको सफलताबाट अत्यन्तै खुसी छौँ । हाम्रा ग्राहकहरूका लागि केटीएम २५० एडभेन्चरको परीक्षण गर्न पाउनु र यसको असाधारण प्रदर्शन र क्षमताहरू हेर्न पाउनु रोमाञ्चक अनुभव थियो । हामी सहयोगका लागि आभारी छौँ । हाम्रा ग्राहकहरू र भविष्यमा थप यस्तै अनुभवहरू प्रदान गर्न तत्पर छौँ ।’ 


क्याटेगोरी : बैंक बित्त बजार

तपाईको प्रतिक्रिया