डिप्रोक्स लघुवित्तले कमायो २१ करोड ५३ लाख रुपैयाँ खुद मुनाफा

काठमाडौं । डिप्रोक्स लघुवित्त वित्तीय संस्थाले चालू आर्थिक वर्षको दोस्रो त्रैमासिक अवधिमा २१ करोड ५३ लाख ९७ हजार तीन सय ८९ रूपैयाँ खुद मुनाफा आर्जन गरेको छ । गत आवको सोही अवधिमा भने संस्थाको यस्तो नाफा ३३ करोड ४४ लाख ८१ हजार एक सय १३ रूपैयाँ रहेको थियो ।

हाल चुक्ता पुँजी एक अर्ब ३८ करोड ७४ लाख ९८ हजार तीन सय ३३ रुपैयाँ रहेको संस्थाले चालू आवको दोस्रो त्रैमासिक अवधिमा आठ अर्ब ५१ करोड ४० लाख एक हजार नौ सय २२ रुपैयाँ निक्षेप संकलन गरी १८ अर्ब ६५ करोड २९ लाख ३८ हजार आठ सय ७४ रुपैयाँ कर्जा प्रवाह गरेको छ । सो अवधिमा ६४ करोड ८१ लाख चार हजार तीन सय ८७ रुपैयाँ खुद ब्याज आम्दानी गरेको संस्थाको तीन दशमलव ७४ प्रतिशत कर्जा निष्क्रिय रहेको छ । वितरणयोग्य नाफा भने १४ करोड ८१ लाख ३६ हजार पाँच सय ५९ रुपैयाँ रहेको संस्थाको स्प्रेड दर भने पाँच दशमलव ६३ प्रतिशत रहेको छ ।

गत आवको सोही अवधिमा भने संस्थाले सात अबै ९७ करोड एक लाख ७८ हजार सात सय ५७ रुपैयाँ निक्षेप संकलन गरी १८ अर्ब ३४ करोड ४७ लाख ९९ हजार ६१ रुपैयाँ कर्जा प्रवाह गरेको थियो । उक्त अवधिमा ७१ करोड ३० लाख १८ हजार नौ सय ११ रुपैयाँ खुद ब्याज आम्दानी गरेको संस्थामा शून्य दशमलव ५९ प्रतिशत कर्जा निष्क्रिय रहेको थियो भने स्प्रेड दर सात दशमलव ७५ प्रतिशत रहेको थियो ।