इन्फिनिटी लघुवित्त वित्तीय साक्षरता कार्यक्रम कोहलपुरमा

काठमाडौं । इन्फिनिटी लघुवित्त वित्तीय संस्था लिमिटेडले शाखा कार्यालय कोहलपुर शाखामा समूह प्रमुख गोष्ठी तथा वित्तीय साक्षरता कार्यक्रम एक समारोहबीच भव्यताको साथ सञ्चालन गरेको छ । कार्यक्रम ज्ञानोदय पुस्तकालय कोहलपुरको सभाहलमा ८२ जना समूह अध्यक्षहरूको समुपस्थितिमा सम्पन्न भएको थियो ।

कार्यक्रमका प्रमुख अतिथि असुली तथा जोखिम व्यवस्थापन विभागका विभागीय प्रमुख नयन देवकोटाले वित्तीय साक्षरता तथा आधुनिक डिजिटल प्रविधि तथा मोबाइल बैंकिङसँग सम्बन्धित विषयमा प्रशिक्षित गरेका थिए । शाखामा भएका कुल एक सय ९३ वटा समूहमध्येबाट तीनवटा समूह पुरस्कृत भएको र उत्कृष्ट व्यवसायी सदस्यलाई समेत सम्मान गरिएको कार्यक्रमका प्रमुख अतिथि नयन देवकोटाले बताए ।

कार्यक्रममा उपस्थित सम्पूर्णलाई स्वागत तथा वित्तीय संस्थाको वर्तमान अवस्थाको बारेमा शाखाका शाखा प्रमुख सञ्जिता कुमारी चौधरीले स्पष्ट पारेका थिए । कार्यक्रममा वित्तीय संस्थाले हाल बजारमा देखिएका विविध समस्या समाधानको लागि सामूहिक सहयोग सामूहिक प्रयासको लागि समिति गीता कुमारी शाहीको अध्यतामा समेत गठन गरेको कार्यक्रम सञ्चालक अनुगमन अधिकृत आत्माराम पौडेलले बताए । साथै, कार्यक्रम नन्द कुमारी विष्टको सभावतित्वमा सञ्चालन भएको थियो ।