मनकामना स्मार्ट लघुवित्तको पाँचौँ वार्षिक साधारणसभा

काठमाडौं । मनकामना स्मार्ट लघुवित्त वित्तीय संस्थाले वार्षिक साधारणसभाको आह्वान गरेको छ । संस्थाले यही चैत्र १६ गते आफ्नो रूपन्देहीको होटल पौवामा आफ्नो पाँचौँ वार्षिक साधारणसभा गर्न लागेको हो ।

वार्षिक साधारणसभामार्फत संस्थाले हाल कायम रहेको चुक्ता पुँजी १४ करोड १७ लाख ४५ हजार पाँच सय रुपैयाँमध्येबाट चार दशमलव ७५ प्रतिशतका दरले हुन आउने ६७ लाख ३२ हजार नौ सय ११ रुपैयाँबराबरको बोनस सेयर र कर प्रयोजनको लागि शून्य दशमलव २५ प्रतिशतका दरले हुन आउने तीन लाख ५४ हजार तीन सय ६३ रुपैयाँबराबरको नगद लाभांश वितरण गर्ने प्रस्ताव पारित गर्ने तयारी गरेको छ ।