समृद्धि फाइनान्सको रक्तदान कार्यक्रम

काठमाडौं । समृद्धि फाइनान्सले बिहीबार शाखा कार्यालय जनकपुर र इटहरीबाट रक्तदान कार्यक्रम सम्पन्न गरेको छ । रक्तदान जीवनदान भन्ने नारालाई आत्मसात् गर्दै कार्यक्रम आयोजना गरिएको हो । उक्त कार्यक्रम जनकपुर र इटहरी शाखाको प्राङ्गणमा सम्पन्न गरिएको थियो । बिहीबारबाट सुरु गरिएको रक्तदान कार्यक्रम विभिन्न मितिहरूमा बाँकी शाखाबाट पनि आयोजना गर्ने तालिका रहेको संस्थाका सञ्चालन विभाग प्रमुख चुडामणि खनालले जानकारी दिएका छन् ।

नेपाल राष्ट्र बैंकबाट ‘ग’ वर्गको इजाजतपत्र प्राप्त राष्ट्रियस्तरको समृद्धि फाइनान्स कम्पनी लिमिटेडले हाल आठवटा शाखाहरूमार्फत कारोबार गर्दै आएको छ भने आरटीजीएस, आईपीएस, कनेक्ट आईपीएस, रेमिट्यान्स, क्लियरिङलगायतका बैंकिङ र मोबाइल बैंकिङ, डेबिट कार्ड, क्यूआर कोडजस्ता डिजिटल सुविधाहरू प्रदान गरिरहेको छ ।