Techie IT
आजको आर्थिक दैनिक

Aarthik Dainik

An Economic Newsportal

गृहपृष्ठबैंक बित्त बजारबैंकिङ क्षेत्रको कुल निक्षेपमा संस्थागत निक्षेपको अंश ३६ प्रतिशत

बैंकिङ क्षेत्रको कुल निक्षेपमा संस्थागत निक्षेपको अंश ३६ प्रतिशत

कुल कर्जाको ६७ प्रतिशत कर्जा घरजग्गा धितोमा


काठमाडौं । बैंक तथा फाइनान्स कम्पनीहरुको निक्षेप रकममा सुधार देखिएको छ । नेपाल राष्ट्र बैंकका अनुसार चालू आर्थिक वर्षको पछिल्लो सात महिनाको अवधिमा बैंक तथा फाइनान्स कम्पनीहरुमा रहेको निक्षेप पाँच प्रतिशत अर्थात्दुई खर्ब ५३ अर्ब ९७ करोड रुपैयाँले बढेको हो । अघिल्लो वर्षको सोही अवधिमा यस्तो निक्षेप तीन दशमलव छ प्रतिशत अर्थात्एक खर्ब ६७ अर्ब ३४ करोड रुपैयाँले बढेको थियो ।

राष्ट्र बैंकका अनुसार वार्षिक विन्दुगत आधारमा २०७९ माघ मसान्तमा बैंक तथा वित्तीय संस्थाहरूमा रहेको निक्षेप १० दशमलव पाँच प्रतिशतले बढेको छ । २०७९ माघ मसान्तमा बैंक तथा वित्तीय संस्थाहरूको कुल निक्षेपमा चल्ती, बचत र मुद्दती निक्षेपको अंश भने क्रमशः सात दशमलव आठ प्रतिशत, २५ दशमलव आठ प्रतिशत र ६० दशमलव एक प्रतिशत रहेको छ । अघिल्लो वर्ष यस्तो अंश क्रमशः आठ दशमलव तीन प्रतिशत, ३० दशमलव एक प्रतिशत र ५४ दशमलव सात प्रतिशत रहेको थियो । चालू आवको माघ मसान्तसम्ममा बैंक तथा वित्तीय संस्थाहरुको कुल निक्षेपमा संस्थागत निक्षेपको अंश ३६ दशमलव छ प्रतिशत छ । २०७८ माघ मसान्तमा यस्तो निक्षेपको अंश ३८ दशमलव आठ प्रतिशत रहेको थियो ।

चालू आवको माघ मसान्तसम्ममा बैंक तथा वित्तीय संस्थाहरुबाट निजी क्षेत्रमा प्रवाहित कर्जा भने तीन दशमलव दुई प्रतिशत अर्थात् एक खर्ब ४२ अर्ब १२ करोड रुपैयाँले बढेको छ । राष्ट्र बैंकका अनुसार अघिल्लो वर्षको सोही अवधिमा यस्तो कर्जा १२ दशमलव तीन प्रतिशत अर्थात्पाँच खर्ब तीन अर्ब ९९ करोड रुपैयाँले बढेको थियो । वार्षिक विन्दुगत आधारमा २०७९ माघ मसान्तमा बैंक तथा वित्तीय संस्थाहरुबाट निजी क्षेत्रतर्फ प्रवाहित कर्जा तीन दशमलव नौ प्रतिशतले बढेको छ । २०७९ माघ मसान्तमा बैंक तथा वित्तीय संस्थाहरुबाट निजी क्षेत्रमा प्रवाहित कर्जामध्ये गैर–वित्तीय संस्थागत क्षेत्रतर्फ प्रवाह भएको कर्जाको अंश ६४ दशमलव पाँच प्रतिशत र व्यक्तिगत तथा घरपरिवार क्षेत्रतर्फ प्रवाह भएको कर्जाको अंश ३५ दशमलव पाँच प्रतिशत रहेको छ । अघिल्लो वर्षको सोही अवधिमा यस्तो अंश क्रमशः ६३ दशमलव नौ प्रतिशत र ३६ दशमलव एक प्रतिशत रहेको थियो ।

राष्ट्र बैंकका अनुसार चालू आवको पछिल्लो अवधिमा निजी क्षेत्रतर्फ प्रवाहित कर्जामध्ये वाणिज्य बैंकहरुको कर्जा प्रवाह तीन दशमलव दुई प्रतिशतले, विकास बैंकहरुको चार दशमलव एक प्रतिशतले र फाइनान्स कम्पनीहरुको शून्य दशमलव आठ प्रतिशतले बढेको छ । २०७९ माघ मसान्तमा बैंक तथा वित्तीय संस्थाहरुको लगानीमा रहिरहेको कर्जामध्ये ६७ दशमलव तीन प्रतिशत कर्जा घरजग्गाको धितोमा र १२ दशमलव दुई प्रतिशत कर्जा चालू सम्पत्ति अर्थात् कृषि तथा गैर–कृषिजन्य वस्तुको धितोमा प्रवाह भएको छ । २०७८ माघ मसान्तमा यस्तो धितोमा प्रवाहित कर्जाको अनुपात क्रमशः ६६ दशमलव आठ प्रतिशत र १२ दशमलव सात प्रतिशत रहेको थियो । यसैगरी चालू आवको सात महिनामा बैंक तथा वित्तीय संस्थाहरुको लगानीमा रहेको कर्जामध्ये कृषि क्षेत्रतर्फ प्रवाह भएको कर्जा छ प्रतिशतले, औद्योगिक उत्पादन क्षेत्रतर्फको कर्जा आठ दशमलव छ प्रतिशतले, निर्माण क्षेत्रतर्फको कर्जा चार दशमलव दुई प्रतिशतले, यातायात, सञ्चार तथा सार्वजनिक सेवा क्षेत्रतर्फको कर्जा नौ दशमलव छ प्रतिशतले, थोक तथा खुद्रा व्यापार क्षेत्रतर्फको कर्जा तीन दशमलव चार प्रतिशतले, सेवा उद्योग क्षेत्रतर्फको कर्जा छ दशमलव एक प्रतिशतलेर उपभोग्य क्षेत्रतर्फको कर्जा एक दशमलव पाँच प्रतिशतले बढेको छ ।

राष्ट्र बैंकका अनुसार चालू आवको पछिल्लो अवधिमा बैंक तथा वित्तीय संस्थाहरुबाट प्रवाहित कर्जामध्ये आवधिक कर्जा १३ दशमलव नौ प्रतिशतले, डिमान्ड तथा चालू पुँजी कर्जा दुई दशमलव पाँच प्रतिशतले र रियलस्टेट कर्जा दुई दशमलव चार प्रतिशतले बढेको छ । यस अवधिमाअधिविकर्ष कर्जा ५६ दशमलव दुई प्रतिशतले, ट्रष्ट रिसिट अर्थात् आयात कर्जा शून्य दशमलव सात प्रतिशतले, मार्जिन प्रकृतिको कर्जा सात दशमलव एक प्रतिशतले र हायर पर्चेज कर्जा नौ दशमलव नौप्रतिशतले घटेको राष्ट्र बैंकले जनाएको छ ।


क्याटेगोरी : बैंक बित्त बजार
ट्याग : #Page 1

तपाईको प्रतिक्रिया