Techie IT
आजको आर्थिक दैनिक

Aarthik Dainik

An Economic Newsportal

गृहपृष्ठबैंक बित्त बजारसिटिजन्स बैंकको साधारणसभा स्थगित

सिटिजन्स बैंकको साधारणसभा स्थगित


काठमाडौं, चैत १०
सिटिजन्स बैंक इन्टरनेशनल लिमिटेडले डाकेको पाँचौ विशेष साधारणसभा स्थगित गरेको छ । यही चैत १० गतेका दिन अमृतभोग, कालिकास्थान, डिल्लीबजार काठमाडौँमा गरिने भनिएको पाँचौ विशेष साधारणसभा विश्वभरि फैलिएको कोरोना भाइरसको जोखिम र नेपाल सरकारबाट जारी निर्देशन र सूचनाअनुसार सार्वजनिक भेला बैठक समारोह गर्न बन्देज लगाइएकोले सा निर्देशन र सूचनाको परिपालना गर्दै बैंकको सञ्चालक समितिको मिति २०७६/१२/०८ शनिबारका दिन सम्पन्न तीन सय ३०औं बैठकको निर्णयअनुसार अर्को सूचना नभएसम्मको लागि उक्त विशेष साधारणसभालाई स्थगित गरिएको बैंकले जनाएको छ । यसवाट सेयरधनीहरूलाई पर्न गएको असुविधाप्रति बैंक क्षमाप्राथि रहेको जनाएको छ ।

बैंकले हाल आफ्नो देशैभरि फैलिएर रहेका ९४ वटा शाखा, ९४ वटा एटीएम र एक सय तीनवटा शाखारहित बैंकिङएकाइहरूबाट करिब पाँच लाख ग्राहकलाई आधुनिक बैंकिङ सेवाहरू प्रदान गर्दै आएको छ । कोरोना भाइरस महामारीको जोखिम न्यूनीकरणका लागि नेपाल सरकारले गरेको रोकथाम तथा नियन्त्रणको प्रयासलाई टेवा पु-याउने उद्देश्यले बैंकले इन्टरनेट तथा मोबाइल बैंकिङलगायतका विद्युतीय माध्यमबाट गरिने भुक्तानीका सबै सेवाहरू निःशुल्क गरेको छ ।


क्याटेगोरी : बैंक बित्त बजार

तपाईको प्रतिक्रिया