काठमाडौं । एनआईसी एसिया लघुवित्तले ‘विश्व वित्तीय सप्ताह २०२३’को अवसरमा देशव्यापी वित्तीय साक्षरता अभिमुखीकरण तथा ¥याली कार्यक्रम सञ्चालन गरेको छ । लघुवित्तले ग्रामीण समुदायमा लक्षित गरी वित्तीय सचेतना फैलाउने उद्देश्यले देशभर कार्यक्रम गरेको हो ।
लघुवित्तले मधेश प्रदेशअन्तर्गत बर्दिबास, बट्टेश्वर र कल्याणपुर, कोशी प्रदेशअन्तर्गत भद्रपुर र धाइजान, गण्डकी प्रदेशअन्तर्गत नगलपरासी र क्यामिन (आबुखैरेनी), लुम्बिनी प्रदेशअन्तर्गत महाराजगञ्ज (डुमरा) र सुदूरपश्चिम प्रदेशको बहुनियालगायतका स्थानमा वित्तीय साक्षरता तथा अभिमुखीकरण कार्यक्रम सम्पन्न गरेको हो ।
यस्तो कार्यक्रमले समुदायस्तरमा रहेका सदस्यहरूलाई वित्तीय कारोबार, दैनिक आम्दानी तथा खर्चको विश्लेषण गर्न बचत गर्ने बानी बसाल्न, कर्जाको सही सदुपयोग गर्न, वित्तीय सेवासम्बन्धी ज्ञान, व्यवसाय व्यवस्थापन, बीमा, विप्रेषणजस्ता विषयमा चेतना अभिवृद्धि भई आर्थिक व्यवस्थापनमा सहज हुने विश्वास लिइएको लघुवित्तले जनाएको छ ।
‘साथीसँगै सबल बन्दै’ भन्ने मूल नाराका साथ उत्तरदायी लघुवित्तीय सेवाको अभ्यास गर्दै आएको एनआईसी एसिया लघुवित्त देशकै सबैभन्दा ठूलो शाखा सञ्जाल र सबल सक्षम एवं विश्वसनीय लघुवित्त बन्न सफल भएको लघुवित्तले
जनाएको छ ।
लघुवित्तले वित्तीय समावेशीकरणका लागि डोटी, जुम्ला, दार्चुला, जाजरकोट, बैतडी, अछाम, बजाङ, सल्यान, रसुवा, सिन्धुपाल्चोकलगायत बैंक तथा वित्तीय संस्थाहरूको उपस्थिति न्यून रहेका दुर्गम जिल्लाहरूमा आफ्नो उपस्थिति बढाउँदै लगेको जनाएको छ । लघुवित्तले नेपालभर दुई सय ८७ शाखा कार्यालयमार्फत दुई लाख बढी सदस्यहरूलाई लघुवित्त सेवा दिँदै आएको छ ।
लघुवित्तले न्यून आय भएका तथा साना तथा मझौला उद्यमी सदस्यहरूलाई गुणस्तरीय वित्तीय सेवा तथा गैह्रवित्तीय सेवा उपलब्ध गराउँदै आएको जनाएकोे छ ।
क्याटेगोरी : बैंक बित्त बजार
ट्याग : #Page 10
ताजा अपडेट
- अमिरको भ्रमणमा विपिन जोशीको रिहाइको पहलदेखि श्रमिकको ज्याला बढाउनेसम्मका विषय उठाइने
- बागमती, गण्डकी र कर्णालीमा हल्का वर्षा हुने
- आगलागी हुँदा सात बिघा जमिनको गहुँबाली नष्ट
- लुम्बिनी प्रदेशमा सरकार विस्तार
- तातोपानी भन्सारमा नौ महिनामा लक्ष्यभन्दा बढी राजस्व सङ्कलन
- मधेश सरकारद्वारा मन्त्रिपरिषद् विस्तार
- राष्ट्रपतिद्वारा अन्जान शाक्य राष्ट्रिय सभा सदस्यमा मनोनीत
- पर्यटकको बसाइ लम्ब्याउन नयाँ गन्तव्यको खोजी
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया