मर्चेन्टको केवाईसी राख्न राष्ट्र बैंकको निर्देशन
काठमाडौं । नेपाल राष्ट्र बैंकले भुक्तानी प्रणालीसम्बन्धी कार्य गर्ने संस्थाहरुलाई सरलीकृत ग्राहक पहिचान (केवाइसी)को प्रक्रिया अवलम्बन गर्न निर्देशन दिएको छ । केन्द्रीय बैंकले मंगलबार भुक्तानी प्रणालीसम्बन्धी एकीकृत निर्देशन–२०७९मा संशोधन गरी वार्षिक एक लाख रुपैयाँसम्मको कारोबार गर्ने मर्चेन्टलाई आबद्ध गर्दा सरलीकृत पहिचानको प्रक्रिया अवलम्बन गर्न निर्देशन दिएको हो ।
राष्ट्र बैंकको भुक्तानी विभागले परिपत्र जारी गरेर बैंक तथा वित्तीय संस्थाबाहेकका संस्थालाई जारी सम्पत्ति शुद्धीकरण तथा आतंकवादी कार्यमा वित्तीय लगानी निवारणसम्बन्धी व्यवस्था परिमार्जन गरी नयाँ निर्देशन दिएको हो ।
परिपत्रमा भनिएको छ, ‘अनुमतिपत्रप्राप्त संस्थाले सम्पत्ति शुद्धीकरण निवारण ऐन, २०६४ को दफा ७ च तथा सम्पत्ति शुद्धीकरण निवारण नियमावली, २०७३ को नियम ९ बमोजिम वार्षिक एक लाख रुपैयाँसम्मको कारोबार गर्ने मर्चेन्टलाई आबद्ध गर्दा सरलीकृत ग्राहक पहिचानको प्रक्रिया अवलम्बन गर्न सक्नेछन ।’ यसरी सरलीकृत ग्राहक पहिचान तथा सोको सम्पुष्टि गर्दा बैंकले तोकेको विभिन्न मापदण्ड र प्रक्रिया भने अपनाउनुपर्नेछ ।
राष्ट्र बैंकले सरलीकृत पद्धतिबाट मर्चेन्ट आबद्ध गर्न छुट्टै फारम तयार गर्नुपर्ने, व्यवसायको दर्ता वा मर्चेन्टको व्यवसायको अस्तित्व तथा गतिविधिको पुष्टि हुने कागजात, सबै प्रोप्राइटरको पहिचान तथा सम्पुष्टि गर्ने कागजात लिनुपर्ने, व्यवसायको कारोबारमा परिवारबाहेक अन्य कुनै व्यक्ति वास्तविक धनी रहेको शंका लागेमा सोको समेत पहिचान गर्नुपर्ने, मर्चेन्टको छुट्टै सूची तयार गरी अद्यावधिक गर्नुपर्ने मापदण्ड राखेको छ ।
यस्तै ग्राहक पहिचान विवरणअनुरुप कारोबार मेल नखाएको अवस्था, ग्राहक पहिचान विवरणमा उल्लिखित सूचना, जानकारी तथा तथ्याङ्क सत्यता वा पर्याप्तताबारे संस्थालाई शंका लागेमा, जोखिम मूल्याङ्कन गर्दा उच्च जोखिम देखिएमा र संस्थाले प्राप्त गरेका अन्य सूचनाको आधारमा अद्यावधिक गर्न आवश्यक देखिएमा सरलीकृत ग्राहक पहिचान अद्यावधिक गर्नुपर्ने मापदण्ड बनाएको छ ।
क्याटेगोरी : बैंक बित्त बजार
ट्याग : #Page 1
ताजा अपडेट
- बसको ठक्करबाट तीर्थयात्रीको मृत्यु
- नेपाल–चीन सहायता परियोजनाको पहिलो बैठक सम्पन्न
- ओहोदाको प्रमाणपत्र प्रस्तुत
- भगवती लेमिनेट्सको शंकास्पद आगलागी प्रकरणमा शिखर इन्स्योरेन्सको स्वीकृति
- बैंकिङ प्रणालीमा कसरी बढ्यो आठ खर्ब रुपैयाँ निक्षेप ?
- विदेशी लगानी ‘अटोमेसन प्रणाली’बाट ल्याइने
- तरलता व्यवस्थापन गर्न ३५ अर्ब तान्दै राष्ट्र बैंक
- नेपाल र कतारबीच आठ क्षेत्रमा सहकार्य हुने
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया