सानिमा बैंकको वित्तीय साक्षरता

काठमाडौं । सानिमा बैंकले देशभरका शाखा कार्यालयमार्फत विभिन्न स्थानमा वित्तीय साक्षरता कार्यक्रम सम्पन्न गरेको छ । बैंकले ‘ग्लोबल मनि विक २०२३’ अभियानअन्तर्गत चैत ६ गतेदेखि १२ गतेसम्म वित्तीय साक्षरता कार्यक्रम सञ्चालन गरेको हो ।

सो अवसरमा बैंकले आफ्ना कर्मचारीहरूलाई तीन दिने भर्चुअल तालिम समेत दिएकोे थियो । तालिममा वित्तीय साक्षरता कार्यक्रमको उपदेयता र उद्देश्यका बारेमा जानकारी गराइएको थियो । वित्तीय साक्षरताअन्तर्गत देश भरिका शाखाहरूमार्फत छनौट गरिएका स्कुल तथा कलेजहरूमा बैंकिङ साक्षरतासम्बन्धी कार्यक्रमहरू सञ्चालन गरिएको बैंकले जनाएको छ ।

साथै, ‘ग्लोबल मनि विक २०२३’ अभियानअन्तर्गत ‘प्लान योर मनि, प्लान्ट योर फ्युचर’सम्बन्धी विषयवस्तुमा केन्द्रित भई युवा वर्गमा कार्यक्रम सञ्चालन गरिएको बैंकले जनाएको छ । बैंकले विगतदेखि नै सातै प्रदेशहरूमा संस्थागत सामाजिक उत्तरदायित्वअन्तर्गत आफ्ना शाखामार्फत युवा, महिला तथा अन्य समुदाय लक्षित वित्तीय साक्षरता कार्यक्रमहरू सञ्चालन गर्दै आइरहेको छ ।

बैैंकले सातै प्रदेशमा एक सय ३० कार्यालयहरू र एक सय २३ एटीएम सञ्जाल रहेको जनाएको छ ।

क्याटेगोरी : बैंक बित्त बजार
ट्याग : #Page 6