ग्लोबल आईएमई बैंकले मनायो ‘ग्लोबल मनी विक’
काठमाडौं । ग्लोबल आईएमई बैंकले वित्तीय साक्षरता प्रवर्द्धन गर्ने उद्देश्यले ‘ग्लोबल मनी विक २०२३’ मनाएको छ । बैंकले चैत ६ गतेदेखि १२ गतेसम्म ‘प्लान योर मनी, प्लान्ट योर फ्युचर’ नारासहित विभिन्न कार्यक्रम सम्पन्न गरेको हो ।
बैंकले सातै प्रदेशका शाखा कार्यालयहरूबाट देशव्यापीरूपमा कार्यक्रम सञ्चालन गरेको हो । बैंकले विभिन्न जिल्लामा रहेका शाखा कार्यालयहरूमार्फत युवा तथा विद्यार्थीमाझ वित्तीय चेतना अभिवृद्धि कार्यक्रम सम्पन्न गरेको हो । बैंकले यस किसिमको कार्यक्रमबाट हजारौँ युवा तथा विद्यार्थीहरू लाभान्वित भएको विश्वास गरेको छ ।
अभियानमा बैंकले स्कुल तथा क्याम्पसमा केन्द्रित भएर बैंकिङ सेवा तथा वित्तीय बजारसम्बन्धी सचेतना अभिवृद्धि कार्यक्रमहरू सञ्चालन गरेको हो । यसका साथै विभिन्न ठाउँमा विद्यार्थीहरूलाई बैंकका शाखा कार्यालयहरूको अवलोकन एवं साक्षात्कार गराइएको बैंकले जनाएको छ । बैंकले सामाजिक सञ्जालबाट समेत चेतनामूलक श्रव्यदृश्य सामग्रीहरू प्रसारण गरेको थियो । ‘ग्लोबल मनी विक’ सन् २०१२ देखि प्रत्येक वर्ष विश्वका एक सय ७० भन्दा बढी मुलकमा किशोर/किशोरी तथा युवा/युवतीमा लक्षित गरेर वित्तीय शिक्षाको महत्वबारे जागरण ल्याउने उद्देश्यका साथ मनाइने अभियान हो ।
बैंकले ७७ वटै जिल्लामा तीन सय ६४ शाखा कार्यालय, तीन सय ६३ एटीएम, तीन सय २१ शाखारहित बैंकिङ, ६४ एक्सटेन्सन तथा राजस्व संकलन काउन्टर, ३ वैदेशिक प्रतिनिधि कार्यालयसमेत गरी एक हजार एक सयभन्दा बढी सेवा केन्द्रबाट ४० लाख ग्राहकलाई वित्तीय सेवा प्रदान गर्दै आएको छ ।
क्याटेगोरी : बैंक बित्त बजार
ट्याग : #Page 10
ताजा अपडेट
- पुल अलपत्र बनाउने निर्माण कम्पनी कालोसूचीमा
- इलाम–२ उपनिर्वाचन :रास्वपाबाट लिम्बू उम्मेदवार
- शिक्षाका लागि विद्यालयको पूर्वाधार निर्माण आवश्यक छ : मन्त्री राई
- स्वास्थ्यमन्त्री यादवलाई रास्वपाको २६ बुँदे सुझाव
- हिमालमा हेलिकोप्टरको सहारा
- चार दशमलव ७८ अंकले उक्लियो सेयर बजार
- राष्ट्रियसभाका उपाध्यक्षद्वारा राजीनामा
- पुँजीगत बजेट खर्च नहुने अवस्थाको अन्त्य हुनुपर्छ : प्रधानमन्त्री
धेरैले पढेको
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- एक्सेल डेभलपमेन्ट बैंकको ट्राफिक प्रहरीलाई सहयोग
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- इन्फिनिटी लघुवित्तको सातै प्रदेशमा तालिम सम्पन्न
- चिया पसल पनि कम्पनी ?
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
- नेपाली अमेरिका कलाकार सङ्घमा बसन्ती राई
तपाईको प्रतिक्रिया