स्वावलम्बनको वित्तीय साक्षरता

काठमाडौं । स्वावलम्बन लघुवित्त वित्तीय संस्था लिमिटेडले चैत ६ गतेदेखि १२ गतेसम्म देशभर वित्तीय साक्षरता कार्यक्रम आयोजना गरेको जनाएको छ । ‘ग्लोबल मनी विक २०२३’ को अवसर पारेर लघुवित्तले देशभर ६८ स्थानमा वित्तीय साक्षरता कार्यक्रम सम्पन्न गरेको हो । लघुवित्तले विभिन्न जिल्लामा अवस्थित शाखा कार्यालयहरूमार्फत वित्तीय साक्षरता कार्यक्रम सम्पन्न गरेको हो ।

कार्यक्रममा स्थानीय जनप्रतिनिधि, ग्राहक सदस्य, विद्यार्थी, पत्रकार, बुद्धिजीवीलगायत १० हजार बढीको सहभागिता रहेको लघुवित्तले जनाएको छ । लघुवित्तले ६१ जिल्लामा एक सय ४५ वटा शाखा÷उपशाखा र नौवटा इलाका कार्यालयहरूमार्फत करिब दुई लाख ६३ हजार विपन्न महिला सदस्यहरूलाई बचत, कर्जा, विप्रेषण, लघुबीमालगायतका सेवा उसपलब्ध गराउँदै आएको छ ।