मुक्तिनाथ विकास बैंकका ग्राहकलाई ल्यान्डमार्कमा छुट

काठमाडौं । मुक्तिनाथ विकास बैंकका कार्डवाहक तथा मोबाइल बैंकिङ प्रयोगकर्ताले ‘ल्यान्डमार्क होटेल्स एन्ड रिसोर्ट प्रालि’का विभिन्न सेवामा १० प्रतिशतसम्म छुट पाउने भएका छन् । बैंक र रिसोर्टबीच सोसम्बन्धी सम्झौतापत्रमा हस्ताक्षर भएको छ ।

सम्झौतापश्चात मुक्तिनाथ विकास बैंकका भिषा डेबिट कार्डवाहक तथा मोबाइल बैंकिङ ग्राहकहरूले ‘ल्यान्डमार्क होटेल्स एन्ड रिसोर्ट प्रालि’अन्तर्गत विभिन्न स्थानमा सञ्चालित होटल तथा रिसोर्टमा छुट पाउनेछन् । बैंकका अनुसार काठमाडौं, पोखरा र चितवनमा रहेका होटेलहरूमा ऐकोमोडेसन, फुड एन्ड बेभरेजमा १० प्रतिशत छुट प्राप्त हुनेछ ।

बैंकले ‘मुक्तिनाथ विशिष्ट कर्जा’ योजनाअन्तर्गत दुई करोडसम्मको कृषि कर्जा, साना तथा मझौला व्यवसाय कर्जा, घर निर्माण÷खरिद कर्जा, अटो तथा हायरपर्चेज कर्जा, सेयर कर्जा, शैक्षिक कर्जा, जग्गा खरिद तथा अन्य व्यक्तिगत कर्जाहरू सम्पूर्ण आवश्यक कागजात पूरा गरेको तीन कार्यदिनभित्र स्वीकृत गर्ने समेत जनाएको छ ।